బిగ్‌బాస్‌ తెలుగు-5 : ఉమా బూతులు, శ్వేత ఆన్‌ ఫైర్‌ – ఎపిసోడ్ -9

బిగ్ బాస్ తెలుగు సీజన్ 5 రెండవ వారంలోకి అడుగు పెట్టింది. ఎప్పటిలాగే ఈ వారం కూడా నామినేషన్‌ లతో ఆట ప్రారంభం అయ్యింది. సోమవారం ఎపిసోడ్‌ రచ్చ రచ్చ అయ్యింది. సోమవారం అంటేనే ఎలిమినేషన్ కు నామినేషన్‌. నిన్నటి ఎపిసోడ్‌ లో మెజార్టీ పార్ట్ అదే జరిగింది. అంతకు ముందు వరకు అంతా కలిసి ఉన్నట్లుగా అనిపించినా కూడా ఎలిమినేషన్ టైమ్‌ వచ్చేప్పటికి ఎవరికి వారు అన్నట్లుగా అప్పటి వరకు నవ్వుతూ మాట్లాడిన వారినే ఎలిమినేషన్ కు నామినేట్‌ చేయడం ఆశ్చర్యం అనిపించింది. మొత్తానికి బిగ్ బాస్ లో ఎలిమినేషన్ నామినేషన్ మజాను ప్రేక్షకులు సోమవారం ఎపిసోడ్‌ లో ఎంజాయ్ చేశారు. ఉమా దేవి తన వాయిస్ తో బూతులతో ఇంటి సభ్యులను కంగారు పెడితే కొందరు మాత్రం ఆమె తీరును తీవ్రంగా తప్పుబట్టారు. ఇక మొత్తంగా బిగ్‌ బాస్ సీజన్ 5 లో రెండవ వారంకు గాను ఏడుగురు సభ్యులు ఎలిమినేషన్ కు నామినేట్ అయ్యారు.

ఎలిమినేషన్‌ నామినేషన్ పక్రియలో భాగంగా గద్ద మరియు నక్క టీమ్‌ లను ఎంపిక చేయడం జరిగింది. ఈ రెండు టీమ్ ల్లో అటు ఇటు 9 మంది చొప్పున ఉన్నారు. మొత్తం 18 మందిలో ఈసారి ఏడుగురు ఎలిమినేషన్ కు నామినేట్ అవ్వడంతో ఎవరు వెళ్తారా అనే చర్చ జరుగుతోంది. ఇంతకు ఎలిమినేషన్ లో ఉన్న వారి విషయానికి వస్తే లోబో ను కాస్త అతి చేస్తున్నాడు ఫేక్ గా అనిపిస్తున్నాడు అంటూ నామినేట్‌ చేయడం జరిగింది. ఉమా బూతులు మాట్లాడటంతో పాటు ఎవరైనా ఏమైనా చెప్పేందుకు ప్రయత్నించినా కూడా పట్టించుకోకుండా మాట్లాడేస్తుంది అంటూ ఉమాను కూడా నామినేట్‌ చేశారు. లోబో మరియు ఉమాలతో పాటు ప్రియా, ప్రియాంక, కాజల్‌, నటరాజ్, యానీ మాస్టర్‌ లు నామినేషన్‌ లో ఉన్నారు. ఈ ఏడుగురిలో ఉమా దేవి ఎలిమినేట్‌ అవ్వడం ఖాయం అన్నట్లుగా కనిపిస్తుంది.

ఆమె ఈ వారంలో తన వాయిస్ ను తగ్గించుకోకుంటే మాత్రం తప్పని పరిస్థితుల్లో ఆమె బయటకు వచ్చేయ తప్పదేమో అంటున్నారు. ఇక నామినేషన్ పక్రియలో భాగంగా శ్వేత వర్మ వ్యవహరించిన తీరు మరీ దారుణంగా ఉంది. తాను అమ్మగా భావించే యానీ మాస్టర్ పై కలర్ అంతగా పూయడంను తప్పుబట్టిన శ్వేత వర్మ ఆవేశంతో హమీదాపై రంగును మరీ కొట్టినట్లుగా పూసింది. ఇక లోబో ను కూడా కడిగి పారేసింది. లోబో ఫేక్ అంటూ అతడికి కూడా రంగు కళ్లు ముక్కు నోట్లోకి వెళ్లి పోయేలా పూసింది. హమీదా మరియు లోబోలో బాత్ రూమ్‌ కు వెళ్లి కడుక్కోవాల్సి వచ్చింది. ఇద్దరు కూడా చాలా ఫీల్ అయ్యారు. శ్వేత వర్మ వ్యవహరించిన తీరును అంతా కూడా తప్పుబడుతున్నారు. ఏమాత్రం సహనం లేకుండా ఆమె వ్యవహరించిందని అన్నారు. దాంతో ఆమె వారిద్దరికి కూడా క్షమాపణ చెప్పింది.