త్వరలో మూవీ ఆర్టిస్ట్స్‌ అసోసియేషన్‌ (మా) ఎన్నికలు జరుగబోతున్నాయి. ఈసారి పోటీలో ప్రకాశ్ రాజ్ బరిలో దిగనున్నారు. ఈ విషయాన్ని ప్రకాశ్‌రాజ్ ఓ ఇంటర్వ్యూలో స్వయంగా తెలిపారు. చిరంజీవి మీకే మద్దతిస్తారనే వార్తలు వస్తున్నాయి.. నిజమేనా? అనే ప్రశ్నకు స్పందిస్తూ.. ‘చిరంజీవి అందరి వ్యక్తి. ఆయన వ్యక్తిగతంగా ఎవరికీ మద్దతివ్వరు. మంచి చేస్తారని భావించేవారికే మద్దతిస్తారు. అన్నయ్యతో ఉన్న సాన్నిహిత్యాన్ని ఇందుకు వినియోగించుకోను’ అని అన్నారు.
తెలుగు చిత్ర పరిశ్రమ సమస్యలను పరిష్కరించేందుకు ప్రణాళిక తనదగ్గర ఉందన్నారు. చాలా విషయాల్లో ఇతర చిత్ర పరిశ్రమల కంటే టాలీవుడ్ చాలా పెద్దదైనా.. ఇప్పుడా పేరు ప్రఖ్యాతలు లేవన్నారు. ‘మా’కు దేశవ్యాప్తంగా గుర్తింపు తీసుకొస్తానన్నారు. తాను అధ్యక్షుడినైతే వంద శాతం ‘మా’కు సొంత భవనం నిర్మిస్తానన్నారు. ప్రకాశ్ రాజ్ అభ్యర్ధిత్వానికి మెగా బ్రదర్ నాగబాబు మద్దతిచ్చారు. రాజకీయంగా దారులు వేరైనా సినిమాల్లో తామంతా ఒక్కటేనన్నారు. ప్రకాశ్ రాజ్ విజయానికి కృషి చేస్తానన్నారు. అయితే.. ప్రకాశ్‌రాజ్‌కు పోటీగా ఎవరు నిలవబోతున్నారనే ఆసక్తి నెలకొంది.
648811 882076I favored than you might be now. 750196