మొన్నటి ఎపిసోడ్ లో ప్రారంభం అయిన రోబోలు మనుషుల టాస్క్‌ నిన్నటి ఎపిసోడ్ లోనూ కంటిన్యూ అయ్యింది. నిన్నటి ఎపిసోడ్ కు దివి కిడ్నాప్‌ హైలైట్‌ గా నిలిచింది. రోబోల టీం ఎట్టి పరిస్థితుల్లో చార్జింగ్‌ పెట్టుకోవాలని ప్రయత్నించారు. కాని మనుషులు మాత్రం ఎంతటి అవసరం అయినా కూడా చార్జింగ్‌ పెట్టేందుకు ఒప్పుకోవడం లేదు. టాయిలెట్‌ వస్తే ఏదోలా కానిచ్చేస్తున్నారు తప్ప రోబోలకు చార్జింగ్‌ ఇచ్చేందుకు మాత్రం అస్సలు ఒప్పుకోలేదు.
అలాంటి సమయంలో రోబో టీంలో ఉన్న అభి మనుషుల టీంలో ఉన్న ఒక అమ్మాయిని కిడ్నాప్‌ చేయాలని ప్లాన్‌ ఇచ్చాడు. మొదట అందుకు అందరు నో చెప్పినా ఆ తర్వాత ఒప్పుకున్నారు. అమ్మాయిలను ఎవరిని అయినా లోనికి తీసుకు రావాలని భావించారు. మొదట గంగవ్వ తాను ఎవరినో ఒకరిని తీసుకు వస్తానంటూ చెప్పి వెళ్లింది. ఆమె ఎంత చెప్పినా ఎవరు వినలేదు. అప్పటికే మోనాల్‌ కాకుండా అంతా పడుకుని ఉన్నారు.
కొద్ది సమయం తర్వాత అభిజిత్‌ వచ్చి మెల్లగా మాటలు కలిపి అమ్మాయిలకు మేము యాక్సస్‌ ఇవ్వాలనుకుంటున్నాం. వారు ఇబ్బంది పడుతుంటే వెళ్ల వచ్చు అభి అన్నాడు. ఆ సమయంలో నిద్రలోంచి లేచిన దివి బాత్‌ రూంకు వెళ్లాలనుకుంది. అప్పుడు అభి తెలివిగా లోని బాత్‌ రూంలోకి తీసుకు వెళ్లాడు. ఆమెను బాత్‌ రూంలోకి వెళ్లనిచ్చారు. ఆమె రావడమే ఆలస్యం అమ్మాయిలు అంతా కూడా ఆమెను పట్టేసుకున్నారు. అభి చార్జింగ్‌ పెట్టుకున్నారు. దివికి బలవంతంగా అన్నం తినిపించారు. బాత్‌రూం యాక్సిస్‌ ఇచ్చినందుకు అభి చార్జ్‌ పెట్టుకున్నాడు. అన్నం పెట్టినందుకు గాను హారిక చార్జ్‌ పెట్టుకుంది.
దివి లోపల ఉన్న సమయంలో మనుషుల టీం సభ్యులు అయిన మెహబూబ్‌, అఖిల్‌, సోహెల్‌, సుజాత, అమ్మ రాజశేఖర్‌, మోనాల్‌, సోహెల్‌ లు రోబోల టీం సభ్యులను బండ బూతులు తిట్టారు. డోర్‌ క్లోజ్‌ ఉండటంతో వారు లోనికి రాలేక పోయారు. డోర్‌ తీయమంటూ ఇష్టానుసారంగా మాట్లాడారు. సోహెల్‌ అఖిల్‌ లు అమ్మాయిని అడ్డు పెట్టుకుని ఆట ఆడేస్తున్నారు అంటూ తిట్టినా కూడా రోబో టీం సభ్యులు మాత్రం పట్టించుకోకుండా వారి పని వారు చేసుకున్నారు. ఆ తర్వాత దివిని వదిలేశారు.
రెండు టీమ్‌ ల మద్య రచ్చ రచ్చ గొడవ జరిగింది. అభిజిత్‌ ను వెన్ను పోటు పొడిచాడు అని అమ్మాయిని అడ్డు పెట్టుకుని గేమ్‌ ఆడారు అంటూ ఇష్టానుసారంగా అనేశారు. నేడు కూడా అదే గేమ్‌ కొనసాగబోతుంది. నేటితో ఆ గేమ్‌ పూర్తి అయ్యే అవకాశం ఉంది. రెండు టీమ్‌ లు కూడా హోరా హోరీగానే ఆటను కొనసాగించి ప్రేక్షకులకు మస్త్‌ ఎంటర్‌ టైన్‌ మెంట్‌ ఇచ్చారు.
112005 93590I just put the link of your weblog on my Facebook Wall. extremely nice blog indeed.,-, 829026