పోలీసులతో రవీంద్ర జడేజా భార్య వ్యాగ్యుద్దం.. మాస్క్ గురించి గొడవ

టీమ్ ఇండియా క్రికెటర్ రవీంద్ర జడేజా భార్య రివాబా కారణంగా వివాదంలో చిక్కుకున్నాడు. అయితే.. ఈ ఘటనలో రివాబాకు ఓ మహిళా కానిస్టేబుల్ కు మాత్రమే వాగ్యుద్దం జరిగింది. మాస్క్ పెట్టుకోలేదని మహిళా కానిస్టేబుల్ అడగడమే ఈ వివాదానికి కారణం. ఈ ఘటనపై పోలీసులు విచారణ జరుపుతున్నారు. గుజరాత్ లో సోమవారం జరగిందీ సంఘటన.

గుజరాత్ లోని రాజ్ కోట్ లో రివాబాతో కలిసి కారులో వెళ్తున్నాడు రవీంద్ర జడేజా. తనిఖీల్లో భాగంగా కిసాన్ పరా చౌక్ వద్ద కారు ఆపిన పోలీసులకు రివాబా మాస్క్ ధరించకపోవడం గమనించారు. ఈ విషయంపై రివాబాను మహిళా కానిస్టేబుల్ సొనాల్ గొసాయి ప్రశ్నించారు. దీంతో రివాబా మహిళా కానిస్టేబుల్ తో వాగ్యుద్దానికి దిగారు. ఈ ఘటనలో వీరిద్దరి మధ్యా తీవ్ర వాగ్యుద్దం జరిగిందని డిప్యూటీ పోలీస్ కమిషనర్ మనోహర్ సిన్హా జడేజా తెలిపారు. వీరిద్దరి వ్యాగ్యుద్దం స్థాయి ఎంతవరకూ వెళ్లిందంటే సదరు మహిళా కానిస్టేబుల్ ఏకంగా ఒత్తిడి తట్టుకోలేక అస్వస్థతకు గురైంది.

దీంతో ఆమెను స్థానిక ఆసుపత్రిలో చేర్చగా కొద్దిసేపటిలోనే తిరిగి కోలుకున్నారు. దీనిపై పోలీసులు విచారణ చేస్తున్నారు. ఘటన సమయంలో రవీంద్ర మాస్క్ ధరించినట్టు తెలుస్తోంది. సొనాల్ కూడా తమతో దురుసుగా ప్రవర్తించిందని జడేజా ఆరోపిస్తున్నారు. ఈ ఘటనపై ఎటువంట ఎఫ్ఐఆర్ నమోదు చేయలేదని డిప్యూటీ పోలీస్ కమిషనర్ తెలిపారు. ఘటనపై విచారణ చేస్తున్నామని తెలిపారు. త్వరలో జరిగే ఐపీఎల్-2020కి సిద్ధమవుతున్నాడు రవీంద్ర జడేజా.