‘బ్యాడ్‌ బాయ్‌’ ప్రభాస్‌తో జాక్వెలైన్‌ హై ఓల్టేజ్‌ కెమిస్ట్రీ.!

డార్లింగ్‌ ప్రభాస్‌ కాస్తా బ్యాడ్‌ బాయ్‌గా మారిపోయాడు ‘సాహో’ సినిమా కోసం. అవును, అతన్ని అంత ‘బ్యాడ్‌ బాయ్‌’ చేసేసింది ఇంకెవరో కాదు శ్రీలంక బ్యూటీ జాక్వెలైన్‌ ఫెర్నాండెజ్‌. అసలు విషయమేంటంటే, ‘సాహో’ సినిమా నుంచి లేటెస్ట్‌ సాంగ్‌ ప్రోమో విడుదలయ్యింది. ఇందులో జాక్వెలైన్‌ ఫెర్నాండెజ్‌ స్పెషల్‌ ఎట్రాక్షన్‌గా నిలిచింది. హై ఓల్టేజ్‌.. అనే మాట బహుశా చాలా చిన్నదేమో జాక్వెలైన్‌ పెర్ఫామెన్స్‌ ముందు. జాక్వెలైన్‌ చాలా మంచి డాన్సర్‌ అని ఆల్రెడీ చాలా చాలా సినిమాలతో ప్రూవ్‌ చేసేసుకుంది.

అంతకు మించిన ఎనర్జీని ఈ ‘బ్యాడ్‌ బాయ్‌’ సాంగ్‌లో జాక్వెలైన్‌ ఫెర్నాండెజ్‌ నుంచి ఆశించొచ్చు. ఆ స్థాయిలో అదరగొట్టేసిందంతే. మరోపక్క ప్రభాస్‌ని చాలా చాలా స్టైలిష్‌గా చూపించారు ‘బ్యాడ్‌ బాయ్‌’ సాంగ్‌లో. సినిమా కోసం ఏ స్థాయిలో ఖర్చు జరిగిందో చెప్పడానికి ఈ సాంగ్‌ని కూడా ఓ ఉదాహరణగా చూపించొచ్చు. బోల్డంత మంది మోడల్స్‌ ఈ సాంగ్‌లో దర్శనమిచ్చారు. మోడల్స్‌కి వాడిన కాస్ట్యూమ్స్‌ చాలా చాలా బావున్నాయ్‌. మరోపక్క జాక్వెలైన్‌ ఫెర్నాండెజ్‌ కాస్ట్యూమ్స్‌ని ఇంకా స్పెషల్‌గా చెప్పుకోవచ్చు. ఇక, గుర్రాన్ని పట్టుకుని జాక్వెలైన్‌ నడిపిస్తోంటే, ఆ పక్కనే ప్రభాస్‌ బుల్లెట్‌ మీద వస్తుండడం.. ఈ పాటలో వున్న హైలైట్‌ సీన్స్‌లో ఒకటి మాత్రమే.

ఇలాంటివి చాలానే వున్నాయ్‌. ప్రభాస్‌ ఎలాగూ మంచి డాన్సర్‌ కావడంతో, ఈ పాటలో జాక్వెలైన్‌తోపాటు ప్రభాస్‌ నుంచి మంచి డాన్స్‌ని ఆశించొచ్చు. ఆ విషయాన్ని సాంగ్‌ ప్రమోతో దాదాపు కన్‌ఫామ్‌ చేసేశారు. రెండు నిమిషాలకు పైగానే నిడివి వున్న సాంగ్‌ టీజర్‌ని అయితే రివీల్‌ చేశారుగానీ, ముఖ్యమైన డాన్స్‌ బిట్స్‌ని దాచి పెట్టినట్లే కన్పిస్తోంది. సినిమాటోగ్రఫీ అత్యద్భుతం.. అంతకు మించి ఇంకేం చెప్పగలం.! ఇప్పటికే విడుదలైన పాటలతోపాటు ఈ పాట కూడా సమ్‌థింగ్‌ డిఫరెంట్‌గానే కంపోజ్‌ చేశారు మ్యూజిక్‌ పరంగా. అయితే, పాటలన్నీ స్ట్రెయిట్‌ పాటల్లా కాకుండా, డబ్బింగ్‌ పాటల్లా వున్నాయనే భావన కలుగుతుండడం గమనార్హం.