‘సైరా’ మేకింగ్‌: ఇది ‘మెగా’ ప్రభంజనం.!

మెగా ఫ్యాన్స్‌కి మెగా గిఫ్ట్‌ వచ్చేసింది. ‘సైరా’ మేకింగ్‌ వీడియో కాస్సేపటి క్రితం విడుదలయ్యింది. మేకింగ్‌ అంటే ఏముంటుందిలే.. అని చాలామంది అనుకుని వుండొచ్చుగాక.! టీజర్‌ స్థాయిలో.. ఆ మాటకొస్తే, ఇంకాస్త ఎక్కువగానే ఆశించొచ్చు మేకింగ్‌ వీడియో నుంచి. ఒక్క మాటలో చెప్పాలంటే ఇది టీజర్‌కి ఎక్కువ, ట్రైలర్‌కి తక్కువ.

మొత్తంగా సినిమాలోని ప్రధాన తారాగణానికి సంబంధించిన పాత్రల్ని ఈ టీజర్‌లో పరిచయం చేశారు. ఇండియాస్‌ బిగ్గెస్ట్‌ మెగాస్టార్‌.. అంటూ బిగ్‌-బి అమితాబ్‌ బచ్చన్‌ని మేకింగ్‌ వీడియోలో ప్రెజెంట్‌ చేసిన తీరు అద్భుతం. సుజీత్‌ పాత్ర కావొచ్చు, విజయ్‌ సేతుపతి క్యారెక్టర్‌ కావొచ్చు.. సింప్లీ సూపర్బ్‌ ఇంట్రడక్షన్స్‌ అనే చెప్పాలి. జగపతిబాబు, రవి కిషన్‌లకు ఈ మేకింగ్‌ టీజర్‌లో మంచి స్థానమే దక్కింది. మరోపక్క నయనతారని ‘లేడీ సూపర్‌ స్టార్‌’ అంటూ పరిచయం చేశారు.

తమన్నా పాత్రతోపాటు, మరో సర్‌ప్రైజింగ్‌ క్యారెక్టర్‌ నిహారిక కొణిదెల. ఆమె వారియర్‌ పాత్రలో కన్పించడం గమనార్హమిక్కడ. ఓవరాల్‌గా, మేకింగ్‌ వీడియో చూసేవారికి గూస్‌బంప్స్‌ రావడం సహజమే. మరీ ముఖ్యంగా బ్యాక్‌గ్రౌండ్‌ స్కోర్‌ థియేటర్లలో సినిమాని నెక్స్‌ట్‌ లెవల్‌కి తీసుకెళ్ళబోతోంది. టీజర్‌తో ఆల్రెడీ ఈ బ్యాక్‌గ్రౌండ్‌ స్కోర్‌ గురించిన చర్చ చాలానే జరిగింది.

మేకింగ్‌ వీడియో తర్వాత ఆ చర్చ మరింత ఎక్కువగా జరగనుంది. మేకింగ్‌ పరంగా ఎక్కడా రాజీ పడని వైనం అడుగడుగునా మేకింగ్‌ వీడియోలో కన్పించింది. సినిమా కోసం గ్రాఫిక్స్‌ కూడా ఎక్కువగానే వాడినట్లున్నారు. టాలీవుడ్‌ ఫైట్‌ మాస్టర్స్‌ రామ్‌ లక్ష్మణ్‌లతోపాటు, హాలీవుడ్‌ స్టంట్‌ కొరియోగ్రాఫర్స్‌ని కూడా ఈ సినిమా కోసం వినియోగించడం గమనార్హం. ఆ విజువల్స్‌ని మేకింగ్‌లోనూ పొందుపరిచారు. ఓవరాల్‌గా మేకింగ్‌ వీడియో, మెగా ఫాన్స్‌నే కాదు, సగటు సినీ ప్రేక్షకుడ్ని సంభ్రమాశ్చర్యాలకు గురిచేస్తుందనడం నిస్సందేహం.