ప్రభాస్ నుండి వస్తోన్న మరో ప్యాన్ ఇండియన్ మూవీ సలార్. ఈ సినిమా డిసెంబర్ 22న విడుదలవుతోంది. ఫ్యాన్స్ ఈ చిత్రం గురించి ఎంతో ఆసక్తిగా ఎదురుచూస్తున్నారు కానీ నిర్మాతల్లో అంత ఉత్సాహం కనిపించట్లేదు. సరిగ్గా పది రోజులు కూడా రిలీజ్ కూడా లేకపోగా ఇంకా పాటలు విడుదల కాలేదు. ప్రీరిలీజ్ ఈవెంట్ ఎప్పుడో తెలీదు. ఇంటర్వ్యూలు మొదలుకాలేదు. అసలు ఇంకో ట్రైలర్ ఉంటుందో లేదో అన్న క్లారిటీ లేదు.
వీటన్నిటిని పక్కనపెడితే ప్రభాస్ ఫ్యాన్స్ లో మాత్రం ఉత్సాహం రెట్టింపు అవుతోంది. దీనికి ఉదాహరణగా ఓవర్సీస్ అడ్వాన్స్ బుకింగ్స్ గురించి చెప్పుకోవచ్చు. సలార్ కు పోటీగా షారుఖ్ ఖాన్ డంకీ విడుదలవుతోంది.
అమెరికాలో ప్రీమియర్ల అడ్వాన్స్ బుకింగ్ రూపంలో సలార్ 347 లొకేషన్లకు గాను 6 లక్షల డాలర్లు వసూలు చేస్తే డంకీ 328 లొకేషన్లకు కేవలం 90 వేల డాలర్లను మాత్రమే వసూలు చేసింది. దీన్ని బట్టి సలార్ కు ఉన్న క్రేజ్ ను అర్ధం చేసుకోవచ్చు.