అసలెందుకు తిట్టుకుంటున్నారో తెలుసా.? చాలామంది బిగ్ బాస్ వీక్షకులు శ్రీహాన్ – శ్రీసత్యల మధ్య వాగ్యుద్ధం గురించి ఇలాగే చర్చించుకునే పరిస్థితి వచ్చింది. ఓ టాస్క్ ఇచ్చాడు బిగ్ బాస్ తాజా ఎపిసోడ్లో. అది కూడా వీక్షకుల్ని ఓట్ల కోసం అభ్యర్థించే అవకాశం నిమిత్తం. ఈ టాస్క్ సందర్భంగా శ్రీహాన్, శ్రీసత్య, రేవంత్ ఫెయిల్ అయ్యారు.
టాస్క్ అన్నాక అందరూ విజేతలుగా మిగలరు కదా.? శ్రీసత్య వల్ల తనకు రెండు పాయింట్లు నష్టం జరిగిందన్నది శ్రీహాన్ వాదన. శ్రీసత్య మాట్లాడటం వల్లే తనకు సమస్య వచ్చిందంటూ శ్రీహాన్ నానా యాగీ చేశాడు. ఇద్దరి మధ్యా మాటల యుద్ధం షురూ అయ్యింది.
‘ఎవరూ ఇక్కడ బ్లేమ్ తీసుకోవడానికి సిద్ధంగా వుండరు..’ అని శ్రీసత్య చెప్పడం, ‘నీ వల్లే నా గేమ్ పోయింది’ అంటూ శ్రీహాన్ విసుక్కోవడం.. వెరసి హౌస్లో వాతావరణం చెడిపోయింది. ‘ఓట్లు అభ్యర్థించడమంటే ఎంత పెద్ద అవకాశమో తెలుసా.?’ అంటూ శ్రీహాన్ వాపోయాడు.
కాగా, శ్రీహాన్ అతిని అతని స్నేహితుడైన రేవంత్ కూడా తప్పుపట్టాడు.. అయితే బాహాటంగా కాదు. శ్రీసత్య మాత్రం, శ్రీహాన్ తీరుతో విసిగిపోయింది. ఇంకోపక్క సోషల్ మీడియాలో శ్రీసత్య అభిమానులకీ, శ్రీహాన్ అభిమానులకీ మధ్య ఫైట్ జరుగుతోంది.
సీజన్ ముగింపుకి వచ్చాక కూడా ఈ గొడవలేంటి.? ఔను కదా.! ఇద్దరూ స్పేస్ కోసం ప్రయత్నిస్తున్నారా.? లేదంటే, కావాలనే శ్రీహాన్, శ్రీసత్యతో గొడవ పెట్టుకున్నాడా.?
ఇదిలా వుంటే, మిడ్ వీక్ ఎలిమినేషన్ జరిగిందనీ, శ్రీసత్య ఔట్ అయిపోయిందనీ ప్రచారం జరిగింది. కానీ, ఈ ఎపిసోడ్లో శ్రీసత్య కనిపించింది. అంతే కాదు, శ్రీసత్య అభిమానులు సోషల్ మీడియాలో హంగామా చేసేందుకు ప్రత్యేకంగా ముహూర్తం కూడా పెట్టుకున్నారు. రేపు వాళ్ళంతా శ్రీసత్యని ట్రెండింగ్లో వుంచబోతున్నారు.