ఆసుపత్రి యాజమాన్యం వికృత చర్య..! 22 మంది కరోనా రోగులు మృతి..!!

దేశంలో ఆక్సిజన్ కొరతపై మాక్ డ్రిల్ ద్వారా చూపించాలన్న ఓ ప్రైవేటు ఆసుపత్రి నిర్వాకం 22 మంది కోవిడ్ రోగులు ప్రాణాలు కోల్పోవడానికి కారమైనట్టు తెలుస్తోంది. ఏప్రిల్ 26న ఆగ్రాలో ఈ ఘటన జరిగినట్టు తెలుస్తోంది. ఈ దారుణ వికృత చర్యపై ఉత్తర ప్రదేశ్ ప్రభుత్వం విచారణకు ఆదేశించింది. వివరాల్లోకి వెళ్తే.. ఆక్సిజన్ బెడ్స్‌పై 96 మంది కరోనా రోగులున్న ప్రైవేటు ఆసుపత్రి యజమాని అరింజయ్ జైన్ తీసుకున్న నిర్ణయంతో ఉదయం 7గంటలకు ఓ ఐదు నిమిషాలపాటు రోగులకు ఆక్సిజన్ సరఫరా నిలిపివేశారు.

ఈ వికృత చర్యతో నిముషాల్లోనే 22 మంది పరిస్థితి విషమించింది. వాళ్ల శరీరం నీలం రంగులోకి మారిపోవడంతో.. వెంటనే ఆక్సిజన్ సరఫరా పునరుద్ధరించారు. కానీ.. అప్పటికే పరిస్థితి విషమించి వారంతా మృతి చెందారు. ఈ వీడియో మీడియాలో ప్రసారం కావడం, వివాదం కావడంతో యూపీ ప్రభుత్వం అలెర్టయింది. మిగిలిన 74 మందికి ఇబ్బంది లేకపోయింది. ఆసుపత్రి వర్గాలు మాత్రం నలుగురు మాత్రమే చనిపోయారని అంటోంది.