‘మమతకు ఓటమి భయం పట్టుకుంది’.. ఆడియో రిలీజ్ చేసిన బీజేపీ నేతలు

మమతకు ఓటమి భయం పట్టుకుందని.. నందిగ్రామ్ నుంచి గెలిచేందుకు బీజేపీ నేతలను బెదిరిస్తున్నారని ఆ పార్టీ నేతలు ఆరోపిస్తున్నారు. బీజేపీకి చెందిన స్థానిక నేతకు ఫోన్ చేసి.. ఎన్నికల్లో తనకు మద్దతివ్వాలని కోరారని కూడా సంచలనం ఆరోపణలు చేసింది.  ఇందుకు సంబంధించిన ఓ ఆడియోను కూడా విడుదల చేయడం సంచలనంగా మారింది. బీజేపీ నేత ప్రళయ్ పాల్‌ను మమత.. తనకు మద్దతివ్వాలని కోరినట్లు ఆ ఆడియోలో ఉందని బీజేపీ ఆరోపించింది.

మమత అభ్యర్థనను ప్రళయ్ తిరస్కరించినట్టు బీజేపీ తెలిపింది. టీఎంసీలో తనకు గౌరవం దక్కలేదని.. సువేందు అధికారికి, బీజేపీకి ద్రోహం చేయలేనని మమతకు ప్రళయ్ స్పష్టం చేసినట్టు బీజేపీ చెప్పుకొచ్చింది. ఈమేరకు బీజేపీ నేత కైలాశ్ విజయ ఈ వివరాలను తెలిపారు. మరోవైపు.. బెంగాల్లో మొదటి విడత ఎన్నికలు జరిగాయి. మమత పోటీ చేస్తున్న నందిగ్రామ్ లో ఏప్రిల్ 1న పోలింగ్ జరుగుతుంది. ఆమె సువేందు అధికారితో పోటీ పడుతున్నారు.