రాజకీయాల్లో ఎత్తులకు పై ఎత్తులు సర్వసాధారణమే. పైగా, అధికారంలో వున్నవారికి అడ్వాంటేజ్ ఎప్పుడూ వుంటుంది పై ఎత్తులు వేయడానికి. నిమ్మగడ్డ రమేష్కుమార్, కామినేని శ్రీనివాస్, సుజనా చౌదరి.. హైద్రాబాద్లోని ఓ ప్రముఖ హోటల్లో భేటీ అవడం ఇప్పుడు ఆంధ్రప్రదేశ్ రాజకీయాల్లో పెను దుమారం రేపుతోంది.
నిమ్మగడ్డ రమేష్కుమార్పై ఇప్పటికే ‘కులం’ ముద్ర వేసేసింది అధికార వైఎస్సార్ కాంగ్రెస్ పార్టీ. సాక్షాత్తూ ముఖ్యమంత్రి వైఎస్ జగన్, రాష్ట్ర ఎన్నికల కమిషనర్గా పనిచేస్తున్న సమయంలోనే నిమ్మగడ్డపై ‘సామాజిక వర్గం’ పేరుతో ఆరోపణలు చేశారు. ఆ తర్వాత ఆయన్ని తొలగించేందుకు ఆర్డినెన్స్ కూడా తెచ్చారు.
ఇంతకీ, నిమ్మగడ్డతో కామినేని, సుజనా భేటీ వ్యవహారం ఎలా బయటకు పొక్కింది. సాధారణంగా ప్రముఖ హోటల్స్కి సంబంధించిన సీసీటీవీ ఫుటేజ్ అంత తేలిగ్గా బయటకు లీకయ్యే అవకాశం వుండదు. అత్యున్నత స్థాయిలోనే ఈ వ్యవహారానికి ‘స్కెచ్’ పడి వుండాలన్న చర్చ రాజకీయ వర్గాల్లో జరుగుతోంది. ‘ఆ నాలుగో బిగ్బాస్ ఎవరు.?’ అంటూ వైసీపీ ఎంపీ (రాజ్యసభ) విజయసాయిరెడ్డి సోషల్ మీడియా వేదికగా ప్రశ్నించడం, ఇదంతా టీడీపీ అధినేత నారా చంద్రబాబునాయుడిని కార్నర్ చేయడానికేనంటూ సోషల్ మీడియాలో ప్రచారం హోరెత్తిపోతోంది.
ఓటుకు నోటు కేసు వ్యవహారంలో ఇలాగే ‘బిగ్బాస్’ అంటూ చంద్రబాబు పేరు చుట్టూ నారా యాగీ జరిగిన విషయం విదితమే. చంద్రబాబు కూడా ఆ భేటీలో పాల్గొన్నారా.? సీసీటీవీ ఫుటేజ్లో ఆయనకు సంబంధించిన వీడియోస్ త్వరలో విడుదల కానున్నాయా.? అన్న ప్రశ్నలు వైసీపీ సానుభూతిపరుల నుంచి సోషల్ మీడియాలో దూసుకొస్తున్నాయి. ‘మరిన్ని వివరాలు అతి త్వరలో..’ అంటూ విజయసాయిరెడ్డి ట్వీటేశారంటే.. మొత్తం కథకు సంబంధించిన కీలక సమాచారం అంతా అధికార పార్టీ దగ్గర వుండే వుండాలి.
తొలుత ఈ వ్యవహారంపై టీడీపీ నుంచి స్పందన లాంటి బుకాయింపు రావాలి.. ఆ తర్వాత ఒక్కొక్కటిగా అధికార పార్టీ నుంచి ‘వివరాలు’ బయటకు వస్తాయన్నమాట. చిత్రమేంటంటే, కామినేని శ్రీనివాస్, సుజనా చౌదరి.. ఈ ఇద్దరూ బీజేపీ నేతలు. అయినాగానీ, బీజేపీని విమర్శించేందుకు వైసీపీ నేతలెవరూ సాహసించడంలేదు.. విజయసాయిరెడ్డితో సహా. అన్నట్టు, తన మీద 108 కుంభకోణం.. అంటూ ఆరోపణలు వస్తున్న దరిమిలా ఇప్పటిదాకా దానిపై స్పందించని విజయసాయిరెడ్డి, ఈ నిమ్మగడ్డ ఎపిసోడ్లో మాత్రం అత్యుత్సాహం ప్రదర్శిస్తుండడం ఆశ్చర్యకరమే కదా.!
పార్క్ హయత్ లో కమ్మనైన ప్రజాస్వామ్యం.
దుష్ట చతుష్టయంలో ముగ్గురు దొంగలు అడ్డంగా దొరికారు.
ఫేస్ టైం లో మాట్లాడిన నాలుగో బిగ్ బాస్ ఎవరు?
మరిన్ని వివరాలు అతి త్వరలో…— Vijayasai Reddy V (@VSReddy_MP) June 23, 2020
447424 804277You completed certain great points there. I did looking on the subject matter and found most persons will go together together with your blog 300163
473892 700921Yay google is my king helped me to uncover this outstanding website! . 791879