జనసేనాని మీద ఏడుపా.? బులుగు పేమెంట్ లేకపోతే రాత కూడా పెగలదు మరి.!

స్క్రిప్ట్ లేకుండా పవర్ స్టార్‌కి మాట పెగలదంతే.. అంటూ బులుగు మీడియా తన పైత్యాన్నంతా చాటుకుంది. ప్రధాని నరేంద్ర మోడీతో జనసేన అధినేత భేటీపై యజమాని కన్నా ఎక్కువగా బాధపడిపోతోంది బులుగు మీడియా.! ఎందుకింత ఏడుపు.? పేమెంట్ లేకపోతే రాత పెగలని వాళ్ళు కూడా, జనసేన అధినేత మీద విమర్శనాత్మక కథనాల్ని ప్రచారంలోకి తీసుకురావడం హాస్యాస్పదం కాక మరేమిటి.?

ప్రధాని భీమవరం పర్యటన సందర్భంగా పవన్ కళ్యాణ్‌కి ఆహ్వానమే లేదంటూ అప్పట్లో ఇదే నీలి మీడియా, సిగ్గులేని రాతల్ని తెరపైకి తెచ్చింది. పవన్ కళ్యాణ్‌కి ఆహ్వానం అందింది.. కానీ, ఆయనే వెళ్ళలేదని తెలిసి నాలుక కరచుకుంది. ఇప్పుడేమో, ప్రధాని కార్యాలయం నుంచే జనసేన అధినేతకు ఆహ్వానం వచ్చింది.. హైద్రాబాద్ నుంచి విశాఖ వెళ్ళి, ప్రధాని మోడీతో పవన్ కళ్యాణ్ భేటీ అయ్యారు.

అంతే, బులుగు మీడియా గుండెల్లో రాయి పడిపోయింది. తమ ప్రభుత్వం ఎక్కడ కూలిపోతుందో.. ప్రభుత్వం కూలిపోతే, ప్రజాధనాన్ని ప్రకటనల రూపంలో దోచేసే అవకాశం కోల్పోతామనే అక్కసుతో జనసేనాని మీద నిస్సిగ్గు రాతలు షురూ చేసింది.

పవన్ కళ్యాణ్ మాట్లాడటానికి స్క్రిప్టు కావాలా.? అలా అనాలంటే ఎంతటి అవివేకం వుండాలి.? అత్యంత నీఛ స్థితికి దిగజారిపోతేనే ఇలాంటి ఆలోచన వస్తుంది ఎవరికైనా. ప్రధానితో బేటీ తర్వాత పవన్ కళ్యాణ్ మొహంలో నవ్వు మాయమైపోయిందట.. ప్రధాని మోడీ, పవన్ కళ్యాణ్‌కి క్లాస్ తీసుకున్నారట.. పవన్ కళ్యాణ్ ఎరక్కపోయి ఇరుక్కున్నారట.. మీటింగు ఒకరితోనూ, డేటింగు ఇంకొకరితోనట.. అదేదో ఏనుగు సామెత అట.. వామ్మో.. తమను పోషిస్తోన్న బులుగు పార్టీ గురించి పాజిటివ్‌గా అయినా ఒకే రోజు ఇన్ని కథనాల్ని తెరపైకి తీసుకు రాదేమో బులుగు మీడియా.

ఒకరకంగా చెప్పాలంటే, వీళ్ళందరికీ ‘తిండి’ దొరుకుతున్నది జనసేన అధినేత పవన్ కళ్యాణ్ కారణంగానే. మామూలుగా అయితే, అన్నదాతా సుఖీభవ.. అనాలి. కానీ, పవన్ కళ్యాణ్ మీద ఏడిస్తే తప్ప, వీళ్ళకి తిండి దొరకదు గనుక.. సుఖీభవ అనలేని రుగ్మత సోకాల్డ్ బులుగు మీడియాకి వచ్చిపడింది.

ప్రధాని మోడీకి చెప్పాలనుకున్నది పవన్ కళ్యాణ్ చెప్పేశారు. మోడీ నుంచి రావాల్సిన సమాధానం జనసేనానికి వచ్చింది. ‘మంచి రోజులు రాబోతున్నాయ్’ అన్న ఒక్క మాటలోనే చాలా అర్థం వుంది. అది అర్థమైతే అది బులుగు మీడియా ఎందుకు అవుతుంది.? అర్థమయినా, అర్థం కానట్లే నటించాలి.