సాధారణంగా అధికారంలో వున్నోళ్ళు, మీడియాకి ప్రకటనలు ఇస్తుంటారు. ప్రభుత్వ పరంగా వచ్చే ప్రకటనలవి. ప్రజాధనంతో సొంత పబ్లిసిటీ చేసుకోవడం కోసమే అధికారం.! ఎవరు అధికారంలో వున్నా, అది కామన్ అయిపోయింది.
విపక్షంలో వున్నా, మీడియాకి డబ్బులిచ్చి ప్రకటనలు వేయించుకోవడం, అనుకూల వార్తలు రాయించుకోవడం.. ఇది ఇంకో ట్రెండ్.! రాజకీయాల్లానే, సినిమాల పబ్లిసిటీ కోసం కూడా అనుకూల వార్తలు రాయించుకోవడం కొత్తేమీ కాదు.
కాకపోతే, కొత్త ట్రెండ్ షురూ అయ్యింది. దుష్ప్రచారం కోసం చెల్లింపులు జరుగుతున్నాయ్. అది కూడా, ‘భోళా శంకర్’ సినిమాతోనే మొదలైంది. ‘బ్రో’ సినిమా కోసం ఈ ‘పెయిడ్ ఆర్టికల్స్’ ట్రెండ్‌ని ప్రయోగాత్మకంగా అమలు చేశారు. ఆ మాటకొస్తే, అంతకు ముందు ‘ఆచార్య’ సినిమాకీ ఇదే పద్ధతిని ఫాలో అయ్యారనుకోండి.. అది వేరే సంగతి.
‘భోళా శంకర్’ సినిమా మీద దుష్ప్రచారం చేసేందుకు కొన్ని మీడియా సంస్థలకు గట్టిగానే చెల్లింపులు జరిగాయని తెలుస్తోంది. ఆయా మీడియా సంస్థలకు వేరుగా, రాసే రాతగాళ్ళకూ వేరుగా ఈ చెల్లింపులు జరిగాయట.
దీనికి తోడు, అదనంగా ‘పీఆర్ బృందాలకీ’ చెల్లింపులు జరిగాయంటూ సినీ వర్గాల్లో గుసగుసలు వినిపిస్తున్నాయి. సదరు పీఆర్ బృందాలు, సోషల్ మీడియాలో వెయ్యికి పైగా ఫాలోవర్స్ వున్న సోషల్ మీడియా హ్యాండిల్స్‌కి చెల్లింపులు చేసి, ‘భోళా శంకర్’ మీద నెగెటివిటీని స్ప్రెడ్ చేశాయి.
రాజకీయాల్లో పేటీఎం కార్మికులు, ఫోన్ కార్మికుల్ని చూస్తున్నాం కదా.! ఇక్కడ కూడా అదే బాపతు నడుస్తోంది. ఒక్కో ట్వీటుకీ, గరిష్టంగా పది రూపాయల నుంచి పాతిక రూపాయల వరకూ చెల్లిస్తున్నారట. ఏంటీ, ఇదంతా చిరంజీవి మీద విషం చిమ్మడానికేనా.? అంటే, ఔననే సమాధానం వస్తోంది.
ఓ నాలుగైదు వెబ్ సైట్లు, కేవలం ‘భోళా శంకర్’ సినిమా మీద నెగెటివిటీతోనే లక్షల్లో ఆర్జించాయని అంటున్నారు. గాలి వార్తలు పోగేసే ఓ ప్రముఖ వెబ్‌సైట్, దాంతోపాటుగా మరో రెండు పాపులర్ వెబ్‌సైట్లు ఈ మొత్తం కుట్రలో కీలక పాత్ర పోషించాయిట.
చిత్రమేంటంటే, పొద్దున్న లేస్తే.. పరస్పరం బూతులు తిట్టుకునే రెండు పార్టీలు, రెండు సామాజిక వర్గాలు.. ఒక్కటైపోయి మరీ చిరంజీవి సినిమా ‘భోళా శంకర్’ మీద దుష్ప్రచారం చేయడం.
ఇంతా చేసి ఏం సాధిస్తారు.? అంటే, అదో పైశాచికానందం.. శునకానందం అంతే.! రేపో మాపో చిరంజీవి కొత్త సినిమా సెట్స్ మీదకు వెళుతుంది. చిరంజీవి రెమ్యునరేషన్ దగ్గర్నుంచి, ఆ సినిమాకి సంబంధించిన ప్రతి వార్తా ఓ సంచలనమే అవుతుంది. ప్రీ రిలీజ్ బిజినెస్.. ఎలాగూ వేరే లెవల్‌లోనే జరుగుతుందనుకోండి.. అది వేరే సంగతి.