అధికార వైఎస్సార్ కాంగ్రెస్ పార్టీ, ప్రతిపక్షం తెలుగుదేశం పార్టీ, విశాఖ ఉక్కు ప్రైవేటీకరణకు వ్యతిరేకంగా ‘గల్లీ’ పోరాటం చేస్తున్నాయి. విశాఖ వేదికగా పోరాటం జరగాల్సిందే.. కానీ, అదే పోరాటాన్ని రాష్ట్రమంతటికీ విస్తరించాలి. అప్పుడే, అది రాష్ట్ర స్థాయి పోరాటం అవుతుంది. అక్కడితో ఆగకూడదు, రాష్ట్ర స్థాయి పోరాటాన్ని జాతీయ స్థాయి పోరాటంగా మార్చగలగాలి. నిజానికి, పోరాటం మొదలవ్వాల్సింది ఢిల్లీ వేదికగా. ఎందుకంటే, కేంద్రమే ఈ ఉక్కు పరిశ్రమను ప్రైవేటీకరణ చేస్తున్నట్లు ప్రకటించింది.. అదీ పార్లమెంటు సమావేశాల సమయంలో.
మరి, పార్లమెంటులో బలం వున్న రెండు ప్రధాన రాజకీయ పార్టీలు ఢిల్లీ వీధుల్లో కదా పోరాటం చేయాల్సింది.? ‘విశాఖ ఉక్కు ప్రైవేటీకరణ వెనుక జగన్ హస్తం వుంది..’ అంటూ ప్రతిపక్షం టీడీపీ ఆరోపిస్తోంది. ఈ తరహా చెత్త రాజకీయాలు చేయడంలో టీడీపీ తర్వాతే ఎవరైనా. అన్నట్టు, టీడీపీ దారిలోనే వైసీపీ కూడా నడుస్తోంది. చంద్రబాబు హయాంలోనే బీజం పడిందంటే, చేతులు దులిపేసుకునేందుకు వైసీపీ ప్రయత్నిస్తోంది. గతంలో ఎవరేం చేశారన్నది ఇప్పుడు అనవసరం. ఇది రాష్ట్రానికి సంబంధించిన సమస్య. జెండాలు పక్కన పెట్టి, గల్లీలో పోరాటం కొనసాగిస్తూనే ఢిల్లీలో పోరాటం చేయాలి.
ఢిల్లీలో ప్రస్తుతానికి రాష్ట్రం నుంచి ‘పవర్ సెంటర్’ అనేది ఏదన్నా వుంటే అది విజయసాయిరెడ్డి మాత్రమేనని వైసీపీ శ్రేణులు చెబుతుంటాయి. అందులో కొంత నిజం లేకపోలేదు కూడా. మరి, విజయసాయిరెడ్డి ఏం చేస్తున్నట్టు?. ఉత్తరాంధ్రకు సంబంధించి వైసీపీ వ్యవహారాలు చక్కబెట్టేది ఈయనగారే. ప్రభుత్వం తరఫున కూడా కీలక నిర్ణయాలు విజయసాయిరెడ్డి కనుసన్నల్లోనే జరుగుతాయి.. విశాఖ వరకూ. మరి, విశాఖ ఉక్కు వ్యవహారంలో విజయసాయిరెడ్డి పెద్దన్న పాత్ర వహించి.. ఉద్యమానికి నాయకత్వం వహించాలి కదా.? కానీ, ఆయన టీడీపీని తిడతారు.. వీలైతే జనసేన మీద సెటైర్లు వేస్తారు.
ట్విట్టర్లో చతుర్లు వదలడం ఆయనకు బాగా తెలుసుగానీ.. కేంద్రాన్ని నిలదీసేంత సీన్ ఆయనకు లేదు. ప్రత్యేక హోదా విషయంలో అయినా, రైల్వే జోన్ విషయంలో అయినా, మరో ముఖ్యమైన అంశానికి సంబంధించి అయినా.. వైసీపీ అధికారంలోకి వచ్చాక ఒక్కసారైనా విజయసాయిరెడ్డి ఢిల్లీ వేదికగా ‘పోరాటం’ చేశారా.? గల్లీలో అయితే చేసేస్తారు. విశాఖ కార్పొరేషన్కి ఎన్నికలు జరగబోతున్నాయ్ కదా.. పాదయాత్ర చేపట్టబోతున్నారట. అదీ విజయసాయిరెడ్డికి విశాఖ మీదా, ఉత్తరాంధ్ర మీదా, ఆంధ్రపదేశ్ మీదా వున్న ప్రత్యేకమైన శ్రద్ధ.
438183 200620A extremely exciting go by means of, I might not agree completely, but you do make some actually legitimate factors. 382593
752828 645259Oh my goodness! an incredible write-up dude. Thanks a ton Nonetheless We are experiencing problem with ur rss . Dont know why Cannot enroll in it. Can there be any person locating identical rss dilemma? Anyone who knows kindly respond. Thnkx 782459
406501 942525Actually clear internet website , thanks for this post. 575864