Undavalli Arun Kumar: పవన్ కల్యాణ్ (Pawan Kalyan) , మాజీ ఎంపీ ఉండవల్లి అరుణ్ కుమార్ (Undavalli Arun Kumar) ఒకరిపై ఒకరు సానుకూల దృక్పధంతో ఉంటారనే విషయం తెలిసిందే. ఈ నేపథ్యంలో పవన్ కల్యాణ్ కు మద్దతిచ్చే అంశంపై ఉండవల్లి కీలక వ్యాఖ్యలు చేశారు.
‘నేను జనసేనకు మద్దతివ్వాలని భావించాను. అయితే.. 2019 ఎన్నికల్లో పవన్ రెండో చోట్ల ఓడిపోవడంతో నా నిర్ణయం మార్చుకున్నాను. ఏపీలో టీడీపీ (Tdp)-వైసీపీ (Ycp) మాత్రమే ఉండకూడదని పవన్ ప్రత్యామ్నాయం కావాలని భావించా. కొత్త నేతల కోసం కొన్ని టిప్స్ ఇద్దామని భావించినా ఎన్నికల ఫలితాలతో విరమించుకున్నాను. అయితే.. పవన్ (Pawan Kalyan) సీఎం అవుతారని కూడా నేను భావించలేదు’.
‘ప్రస్తుతం నా దృష్టి మార్గదర్శి, రాష్ట్ర విభజన కేసులు తప్ప మరే పనీ లేదు. అయితే.. జనసేన మార్గదర్శికి మద్దతిస్తోంది. వైసీపీపై కోపంతోనే జనసేన మార్గదర్శి (Margadarsi) కి మద్దతిస్తోంది. టీడీపీ నేతలు నన్ను టార్గెట్ చేస్తున్నారు. నేను వారితో చర్చకు సిద్ధం. కొన్నాళ్లు వైసీపీపై కామెంట్లు చేయొద్దని నిర్ణయించుకున్నా. ఇందులో నన్ను ప్రశ్నించే హక్కు ఎవరికీ లేద’ని అన్నారు.