రామ్ చరణ్ ఘనత తెలుగు మీడియాకెందుకు కనిపించడంలేదు.?

తెలుగు నేల నుంచి అమెరికాలో జరుగుతున్న ‘హెచ్‌సిఎ’ అవార్డుల ప్రదానోత్సవానికి ‘ప్రెజెంటర్’గా హాజరువుతున్న మెగా పవర్ స్టార్ రామ్ చరణ్ విషయంలో తెలుగు మీడియా ఎందుకు లైట్ తీసుకుంటోంది.? ‘ఆర్ఆర్ఆర్’ సినిమాకిగాను రామ్ చరణ్ ఓ అవార్డు కోసం కూడా పోటీ పడుతున్నాడు.

పలు టీవీ షోల్లో కూడా రామ్ చరణ్ పాల్గొంటున్నాడు. అక్కడి మీడియాతో ఇంటరాక్ట్ అవుతూ, ఇండియన్ సినిమాకి బ్రాండ్ అంబాసిడర్‌గా వ్యవహరిస్తున్నాడు రామ్ చరణ్. ఇది చాలా చాలా ప్రత్యేకమైన సందర్భం.

‘ఆస్కార్’ రేసులో ‘నాటు నాటు’ పాట పోటీ పడుతున్న దరిమిలా, ఆ పాట గనుక ఆస్కార్ పురస్కారాన్ని గెలుచుకుంటే, అది యావత్ భారతదేశానికి చెందుతుందని అమెరికన్ మీడియాతో మాట్లాడుతూ రామ్ చరణ్ వ్యాఖ్యానించిన సంగతి తెలిసిందే. ‘ఆర్ఆర్ఆర్’ సినిమా నుంచి ‘నాటు నాటు’ పాట ఇప్పటికే ‘గోల్డెన్ గ్లోబ్’ పురస్కారాన్ని సొంతం చేసుకుంది. అది ఇండియన్ సినిమా సాధించిన ఘనత అని అంటున్నాడు రామ్ చరణ్.

ఇంత జరుగుతున్నా, తెలుగు మీడియాలో పెద్దగా కవరేజ్ కనిపించడం లేదు. మెయిన్ స్ట్రీమ్ మీడియా అయితే ఏదో తప్పదన్నట్టు, ఎక్కడో ఏదో ఒక మూల.. చిన్న ప్రస్తావన చేసి ఊరుకుంటోంది. అదే, యంగ్ టైగర్ ఎన్టీయార్ విషయంలో అయితే తెలుగు మీడియా సంస్థలు ‘ఆస్కార్ రేసులో యంగ్ టైగర్ ఎన్టీయార్’ అంటూ ఊదరగొట్టేసిన సంగతి తెలిసిందే.

ఎన్టీయార్ విషయంలో అంతలా హంగామా చేయడం తప్పు కాదు.! చేయాల్సిందే. కానీ, అదే స్థాయిలో రామ్ చరణ్ విషయంలోనూ చెయ్యాలి కదా.? కానీ, ఏదో ‘కుల దురహంకారం’ అడ్డొస్తున్నట్లుంది తెలుగు మీడియాలో ఓ వర్గానికి. తన కుమారుడు సాధించిన విజయాల గురించి చిరంజీవి సోషల్ మీడియాలో స్పందించినా, సోకాల్డ్ ‘కుల జాడ్యం’ మీడియాకి మండిపోతోంది. మరీ, ఇంత ద్వేషమా.? ఇంత దారుణమా.?

తెలుగు మీడియా మాత్రమే కాదు, తెలుగు సినీ ప్రముఖులు కూడా, అంతర్జాతీయ వేదికలపై ‘ఆర్ఆర్ఆర్’ సినిమాని ప్రమోట్ చేసేందుకు.. తద్వారా తెలుగు సినిమానీ, ఇండియన్ సినిమానీ ప్రమోట్ చేస్తున్న రామ్ చరణ్ విషయంలో పూర్తిగా ‘ఇగ్నోర్’ మోడ్‌లోకి వెళ్ళిపోయినట్లే కనిపిస్తోంది.! అంటే, చరణ్ సక్సెస్‌ని తెలుగు సినీ పరిశ్రమలోని చాలామంది జీర్ణించుకోలేకపోతున్నారని అనుకోవచ్చా.?