తమిళ సినీ వర్గాలకు ఆగంతకుల బెదిరింపు కాల్స్ ఎక్కువైపోతున్నాయి. ఇటివల సూపర్ స్టార్ రజినీకాంత్ ఇంటికి బాంబు బెదిరింపు కాల్ వచ్చిన సంగతి తెలిసిందే. ఇప్పుడు మరో స్టార్ హీరో విజయ్ ఇంటికి బాంబు బెదిరింపు కాల్ రావడం కలకలం రేపింది. శాలిగ్రామంలో ఉన్న విజయ్ ఇంట్లో బాంబు పెట్టామని పోలీసులకు బెదిరింపు కాల్ రావడంతో పోలీసులు అప్రమత్తమయ్యారు.
వెంటనే పోలీసులు, బాంబు స్క్వాడ్ రంగంలోకి దిగి ఇంట్లో తనిఖీలు చేశారు. ఆ సమయంలో విజయ్ తల్లిదండ్రులు శోభన, చంద్రశేఖర్ ఉన్నారు. అది ఆగంతకుడి బెదిరింపు కాల్ అని తెలుసుకున్న పోలీసులు అక్కడ భద్రత ఏర్పాటు చేసారు. దీంతోపాటు చెన్నై ఈస్ట్ కోస్ట్ రోడ్లోని విజయ్ ఉంటున్న ఇంటికి కూడా భద్రత పెంచారు.
విల్లుపురం జిల్లాలోని మరక్కనం ప్రాంతానికి చెందిన మతిస్థిమితం లేని 21ఏళ్ల వ్యక్తి నుంచి వచ్చిన బెదిరింపు కాల్ గా తేల్చారు పోలీసులు. వెంటనే ఆ యువకుడిని అదుపులోకి తీసుకుని విచారణ చేపట్టారు. గతంలో ఈవ్యక్తి దివంగత ముఖ్యమంత్రి జయలలిత ఇంటికి, పుదుచ్చేరి సీఎం నారాయణస్వామి, గవర్నర్ కిరణ్ బేడి కూడా బాంబు బెదిరింపు కాల్స్ చేశాడని పోలీసులు తెలిపారు.
అతడికి సెల్ ఫోన్ లేదని.. ఇంట్లోవారి సెల్ ఫోన్ నుంచి కాల్ చేసినట్టు విచారణలో తేల్చారు. ఆ వ్యక్తికి వార్నింగ్ ఇచ్చి వదిలేసినట్టు తెలిపారు. ప్రస్తుతం విజయ్ నటించిన మాస్టర్ సినిమా రిలీజ్ కోసం సిద్ధంగా ఉంది.
570171 572782you could have a wonderful weblog here! would you wish to make some invite posts on my weblog? 484364