హీరో ప్రబాస్ని అందరూ డార్లింగ్ అని పిలుస్తారు. అసలు ఈ డార్లింగ్ అనే పిలుపుని ప్రాచుర్యంలోకి తెచ్చిందే ప్రబాస్. తన సినిమాల్లో విరివిగా డార్లింగ్ అనే మాట ఉపయోగిస్తుంటాడు ప్రబాస్. అంతేకాదు, ‘డార్లింగ్’ పేరుతో ఓ సినిమా కూడా చేసేశాడు. మ్యూజిక్ డైరెక్టర్స్నీ, తోటి హీరోల్నీ, దర్శకుల్నీ డార్లింగ్ అని పిలిచినంత మాత్రాన అది తేడా వ్యవహారమని అనగలమా.? అనలేం. అభిమానించే వ్యక్తుల్ని ప్రేమగా పిలుచుకునేందుకు ‘డార్లింగ్’ అనే మాటను ఉపయోగిస్తుంటాడు ప్రబాస్.
ఇప్పుడీ ప్రబాస్ ‘డార్లింగ్’ విషయం ఎందుకంటే, ఇద్దరు హీరోయిన్ల మధ్య డార్లింగ్ పిలుపు వివాదాస్పదమైంది కనుక. ఆ ఇద్దరిలో ఒకరు తమన్నా కాగా, ఇంకొకరు శృతిహాసన్. ‘తమన్నాని నేను పెళ్లి చేసుకోవాలనుకుంటున్నా..’ అని శృతి ఓ సందర్భంలో సరదాగా చెబితే మీరిద్దరూ లెజ్బియన్లా.? అని నెటిజన్లు ట్రోలింగ్ మొదలుపెట్టారు. మొదట్లో ఇటు తమన్నా కానీ, అటు శృతిహాసన్ కానీ, ఈ ట్రోలింగ్ని పెద్దగా పట్టించుకోలేదు. ‘శృతి అడిగితే నేనూ కాదనను..’ అంటూ ఫన్నీగా తమన్నా కూడా స్పందించింది గతంలో. ఆ తర్వాత మళ్లీ ఇద్దరి పైనా ట్రోలింగ్ చాలా తీవ్రంగా జరిగింది.
ఈ వివాదంపై తాజాగా తమన్నా స్పందించింది. సరదాగా తీసుకోవాల్ని సీరియస్గా తీసుకుని అర్ధం పర్ధం లేని వివాదాల కోసం సోషల్ మీడియాని కొందరు దుర్వినియోగం చేస్తున్నారనీ అభిప్రాయపడింది తమన్నా. వర్క్ ప్లేస్లో స్నేహ పూర్వకమైన వాతావరణం కోసం చాలా మందితో ఫ్రెండ్లీగా ఉంటాం. ఒక్కోసారి ఆ స్నేహం ఆఫ్ స్క్రీన్ కూడా కొనసాగుతుంది. అదే మా ఇద్దరి విషయంలోనూ జరిగిందని తమన్నా చెప్పింది. ఇదే అభిప్రాయాన్ని శృతిహాసన్ కూడా పలుమార్లు వెలిబుచ్చింది.
ప్రస్తుతం శృతి హాసన్, మైఖేల్ కోర్స్లే అనే వ్యక్తితో ప్రేమలో ఉంది. వీరి ప్రేమకి కమల్హాసన్ నుండి కూడా ఎప్పుడో గ్రీన్ సిగ్నల్ వచ్చేసింది. పెళ్లి గురించి మాత్రం ఇప్పుడప్పుడే తానేమీ చెప్పలేనని శృతిహాసన్ ఓ ఇంటర్వ్యూలో వెల్లడించింది. కాగా శృతి – తమన్నా మధ్య స్నేహం దాని చుట్టూ జరుగుతున్న ట్రోలింగ్ గురించి తెలుసుకున్న మైఖేల్ కోర్స్లే విషయమేంటని శృతిహాసన్ని అడిగాడట. తమన్నాతో కూడా మాట్లాడాడట. విషయం తెలుసుకుని సరదాగా నవ్వుకున్నాడట. ఈ విషయాన్ని తాజాగా తమన్నా వెల్లడించింది.
ఇటీవలి కాలంలో శృతి హాసన్ పెద్దగా సినిమాలేమీ చేయడం లేదు. ఒక టెలివిజన్ షో మాత్రం నిర్వహిస్తోంది. అయితే, కొరటాల శివ – చిరంజీవి కాంబినేషన్లో సినిమా కోసం శృతిహాసన్ పేరును పరిశీలిస్తున్నట్లు వార్తలు వస్తున్నాయి. తమన్నా విషయానికి వస్తే, ఆమె నటించిన ‘అభినేత్రి 2’ విడుదలకు సిద్ధమైంది. ప్రభుదేవా, నందితా శ్వేతా ఈ సినిమాలో ఇతర ప్రధాన పాత్రల్లో కనిపిస్తారు. ప్రభుదేవా – తమన్నా కలిసి గతంలో చేసిన ‘అభినేత్రి’కి ఇది సీక్వెల్.
లక్ష్మీరాయ్ – సనా మక్బూల్ (‘దిక్కులు చూడకు రామయ్యా’ ఫేం) చాలా మంచి స్నేహితులు. రాశీ ఖన్నా – వాణీ కపూర్ బెస్ట్ ఫ్రెండ్స్. చెప్పుకుంటూ పోతే ఇలా చాలా మందే కనిపిస్తారు. స్నేహాన్ని అక్రమ సంబంధం అనుకునే స్థాయికి కొందరు నెటిజన్లు దిగజారిపోవడం దురదృష్టకరం.
144404 218460There couple of fascinating points at some point in this posting but I dont determine if these folks center to heart. There is some validity but Let me take hold opinion until I check into it further. Fantastic write-up , thanks and then we want much more! Combined with FeedBurner in addition 991740
721077 709947Woh I adore your posts , bookmarked ! My wife and i take concern along along with your last point. 675968