ఇండియన్ బాక్సాఫీస్ వద్ద షారుఖ్ ఖాన్ తన పవర్ ఏంటో చూపించారు. పఠాన్ తోనే రికార్డులు క్రియేట్ చేశారంటే.. జవాన్ తో వరుసగా ఆ రికార్డును బద్దలకొట్టడం మరో రికార్డు. ఏకంగా కలెక్షన్లలో వరుసగా రెండుసార్లు రూ.1000కోట్లకు పైగా సాధించడం అద్భుతమనే చెప్పాలి. జవాన్ చిత్ర యూనిట్ రివీల్ చేసిన రికార్డులే ఇందుకు నిదర్శనం.
ప్రపంచవ్యాప్తంగా జవాన్ రూ.1103కోట్లు వసూళ్లు సాధించింది. ఇందులో రూ.619కోట్లు ఇండియన్ బాక్సాఫీస్ నుంచే రాగా మిగిలిన వసూళ్లు ఓవర్సీస్ నుంచి వచ్చాయి. దీంతో ప్రపంచవ్యాప్తంగా రూ.1100కోట్ల వసూళ్లు సాధించిన సినిమాగా.. 2023 ఏడాదికి అత్యధిక వసూళ్లు సాధించిన సినిమాగా రికార్డులు క్రియేట్ చేసింది. దీనిపై చిత్ర బృందం సంతోషం వ్యక్తం చేసింది.
‘రోజు రోజుకూ కొత్త రికార్డులు క్రియేట్ చేస్తున్న జవాన్’ అని పేర్కొంది. రెడ్ చిల్లీస్ ఎంటర్ టైన్మెంట్స్ బ్యానర్ పై అట్లీ దర్శకత్వంలో వచ్చిన ఈ సినిమా మొదటి రోజు నుంచే పాజిటివ్ టాక్ తెచ్చుకుంది. నయనతార, ప్రియమణి, విజయ్ సేతుపతి తదితరులు నటించారు.