‘భరత్‌ అనే నేను’ సినిమా 100 కోట్ల పైన షేర్‌ కొల్లగొట్టేసిందనీ.. ‘మహర్షి’ సినిమా ఏకంగా 125 కోట్లు కలెక్ట్‌ చేసిందనీ.. సోషల్‌ మీడియా వేదికగా సూపర్‌ స్టార్‌ మహేష్‌బాబు అభిమానులు నానా రచ్చా చేస్తున్నారు. తాజాగా ‘సరిలేరు నీకెవ్వరు’ సినిమా 100 కోట్ల క్లబ్‌లో (షేర్‌ పరంగానే..) చేరిపోయిందన్నది సదరు మహేష్ అభిమానుల ప్రచారం తాలూకు సారాంశం.
ఈ సంక్రాంతి సందర్భంగా ఈ నెల 11న విడుదలైన ‘సరిలేరు నీకెవ్వరు’ సినిమా మంచి విజయాన్ని అందుకుంది. సంక్రాంతి సీజన్‌ కలిసి రావడంతో వసూళ్ళ పంట పండుతోంది. కానీ, ఆ విజయాన్ని.. ఫేక్‌ ప్రచారం తక్కువ చేసి చూపిస్తుండడం గమనార్హం. 100 కోట్ల క్లబ్‌లో చేరడానికి ‘సరిలేరు నీకెవ్వరు’ ఇంకాస్త దూరం ప్రయాణించాల్సి వుంది. అన్నీ కలిసొస్తే.. ఈ వీకెండ్‌లో ఆ ఘనతను ‘సరిలేరు నీకెవ్వరు’ సాధించేస్తుంది కూడా.
అయితే, ఫేక్‌ ప్రచారాల పరంగా చూస్తే, ఏమో.. ఈ వారాంతానికి 150 కోట్ల వసూళ్ళంటూ పోస్టర్‌ పడిపోయినా ఆశ్చర్యపోనక్కర్లేదు. ‘సరిలేరు నీకెవ్వరు’ మాత్రమే కాదు, ‘అల వైకుంఠపురములో’ సినిమాకి కూడా ఈ ‘అతి’ అభిమానుల నుంచి కన్పిస్తోంది. ‘నాన్‌ బాహుబలి’ రికార్డ్‌.. అంటూ ఈ రెండు సినిమాలూ పోటీ పడుతున్న తీరు చూసి, ట్రేడ్‌ పండితులే విస్తుపోతున్నారు. ఇంకా నయ్యం.. ‘బాహుబలి’ రికార్డుల్ని ఈ రెండు సినిమాలూ కొల్లగొట్టేశాయన్న ప్రచారాలు తెరపైకి రాలేదు. ఏమో, వస్తాయేమో.. ఆ ముచ్చటా కొద్ది రోజుల్లో చూడబోతున్నామేమో.!
292297 579180I was wondering if you ever considered changing the page layout of your site? Its very well written; I love what youve got to say. But maybe you could a little more in the way of content so people could connect with it better. Youve got an awful lot of text for only having one or 2 pictures. Maybe you could space it out better? 894939