ప్రభాస్( Prabhas) హీరోగా ప్రశాంత్ నీల్( Prashanth Neel)దర్శకత్వంలో తెరకెక్కుతున్న సినిమా ‘సలార్’. రెండు భాగాలుగా తెరకెక్కుతున్న ఈ చిత్రం ‘పార్ట్-1 సీజ్ ఫైర్’ పేరుతో ఈ నెల 22న ప్రపంచవ్యాప్తంగా విడుదల కానుంది. రిలీజ్ డేట్ దగ్గర పడుతుండడంతో మూవీ టీం ప్రమోషన్లలో జోరు పెంచింది. ఇందులో భాగంగా ఈ చిత్ర ట్రైలర్ ని రిలీజ్ చేసింది. మనసుకి హత్తుకునే సీన్లతో, సూపర్ ఎలివేషన్లతో, యాక్షన్ సీక్వెన్స్ తో ట్రైలర్ అదిరిపోయింది. ప్రభాస్ పాత్రని ఎలివేట్ చేస్తూ ప్రభాస్ రేంజ్ కి ఏమాత్రం తక్కువ కాకుండా ట్రైలర్ ని రెడీ చేశారు. ఇద్దరు ప్రాణ స్నేహితులు బద్ద శత్రువులుగా ఎలా మారారో మొదటి భాగంలో చూపించనున్నారు.
ఈ సినిమాలో పృథ్వీరాజ్ సుకుమారన్, శృతిహాసన్( Shruti Hassan), ఈశ్వరి రావు, శ్రేయ రెడ్డి, జగపతిబాబు ప్రధాన పాత్రలు పోషిస్తున్నారు. ప్రశాంత్ నీల్ ఇంతకుముందు తెరకెక్కించిన ‘కేజీఎఫ్’ యూనివర్స్ లోకి ‘సలార్’ కూడా వస్తుందంటూ ఇటీవల రూమర్స్ రాగా.. ప్రశాంత్ వాటికి చెక్ పెట్టారు. ‘కేజీఎఫ్’ తో ఈ సినిమాకి సంబంధం లేదని స్పష్టం చేశారు. దీంతో ఈ సినిమాపై మరిన్ని అంచనాలు ఏర్పడ్డాయి.