Renu Desai: హీరోగా అకీరా ఎంట్రీపై రేణూ దేశాయ్ ఆసక్తికర వ్యాఖ్యలు

Renu Desai: పవన్ కల్యాణ్ తనయుడు అకీరా నందన్ తెరంగేట్రంపై తల్లి రేణూ దేశాయ్ పలు ఆసక్తికర వ్యాఖ్యలు చేవారు. దాదాపు రెండు దశాబ్దాల తర్వాత ఆమె నటించిన టైగర్ నాగేశ్వరరావు సినిమా ప్రమోషన్లో భాగంగా మాట్లాడుతూ.. ‘అకీరా ప్రస్తుతం మ్యూజిక్, ఫిల్మ్ ప్రొడక్షన్, స్క్రిప్ట్ రైటింగ్ కు సంబంధించిన కోర్సులు చేస్తున్నాడు. ప్రస్తుతం అతడి ధ్యాస వీటిపైనే ఉంది. నటుడు కావాలని అనుకోవడం లేదు’.

‘అకీరా చూడటానికి అందంగా.. హీరోయిక్ గా ఉంటాడు. నటుడికి కావాల్సిన లక్షణాలు ఉన్నాయి. అతడి నాన్న, పెద్దనాన్న హీరోలు. నేనో నటిని. నా కుమారుడిని హీరోగా తెరపై చూడాలని నాకూ ఉంది. అయితే.. ఆ ఆశ అకీరాకు కూడా ఉండాలి కదా. ఇప్పటికైతే నేనూ, పవన్ కల్యాణ్ హీరో అవ్వాలని బలవంతం చేయడం లేద’ని అన్నారు.

మరోవైపు టైగర్ నాగేశ్వరరావులో ఆమె హేమలత లవణంగా కనిపించనున్నారు. ఈ పాత్ర చేయడం పూర్వజన్మ పుణ్యఫలంగా పేర్కొన్నారు. రవితేజ హీరోగా నటించిన సినిమా అక్టోబర్ 20న సినిమా విడుదల కానుంది.