కోలీవుడ్ హీరో, మ్యూజిక్ డైరెక్టర్ విజయ్ ఆంటోని ఇంట్లో తీవ్ర విషాదం చోటుచేసుకుంది. ఆయన పెద్ద కుమార్తె మీరా( 16) తన నివాసంలో ఉరివేసుకొని ఆత్మహత్యకు పాల్పడ్డారు. మంగళవారం తెల్లవారుజామున 3 గంటల ప్రాంతంలో ఈ ఘటన జరిగినట్లు తెలుస్తోంది. వెంటనే గమనించిన కుటుంబ సభ్యులు ఆమెను స్థానిక ఆసుపత్రికి తరలించగా అప్పటికే మృతి చెందినట్లు వైద్యులు తెలిపారు.
మీరా స్థానిక చర్చ్ పార్క్ స్కూల్లో ప్లస్ 2 చదువుతోంది. గత కొద్దిరోజులుగా ఆమె డిప్రెషన్ తో బాధపడుతున్నట్లు తెలుస్తోంది. ఈ క్రమంలోని ఉరివేసుకొని ఆత్మహత్యకు పాల్పడి ఉండొచ్చని భావిస్తున్నారు.
విజయ్ తన కుటుంబంతో చెన్నైలోని అల్వార్ పేట డీడీకే రోడ్డులో నివాసం ఉంటున్నారు. నిర్మాత అయిన ఫాతిమాని ఆయన 2006లో వివాహం చేసుకున్నారు. వీరికి ఇద్దరు కుమార్తెలు. మ్యూజిక్ డైరెక్టర్ నుంచి హీరోగా మారిన విజయ్ సూపర్ హిట్ ‘బిచ్చగాడు’ సినిమాతో తెలుగు ప్రేక్షకులకు చేరువయ్యారు. విభిన్న చిత్రాలు చేస్తూ కోలీవుడ్ లోనూ గుర్తింపు తెచ్చుకున్నారు.