Ram Charan: ‘నా కొత్త స్నేహితుడు.. బ్లేజ్’ అంటూ రామ్ చరణ్ (Ram Charan) చేసిన పోస్ట్ అభిమానులను విపరీతంగా ఆకట్టుకుంటోంది. ట్రెండీ లుక్, బ్లాక్ టీషర్ట్, కళ్లద్దాలు పెట్టుకుని చిరునవ్వులు చిందిస్తూ రామ్ చరణ్ పరిచయం చేసిన స్నేహితుడు ఓ గుర్రం. రామ్ చరణ్ కు గుర్రాలంటే ఎంతో మక్కువ అనే విషయం తెలిసిందే. చిన్నప్పుడే హార్స్ రైడింగ్ లో మెళకువలు నేర్చుకుని.. గుర్రపు స్వారీలో నేర్పు సంపాదించారు చరణ్.
ఆయన హార్స్ రైడింగ్ సత్తా ఎంతటిదో మగధీర (Magadheera) సినిమాలో యావత్ భారత సినీ ప్రేక్షకులు చూశారు.. ముచ్చటపడిపోయారు. ఇప్పటికే రామ్ చరణ్ వద్ద కాజల్, బాద్ షా అనే గుర్రాలు ఉన్నాయి. వీటినే మగధీర సినిమాలో చూపారు. ఇప్పుడు కొత్తగా బ్లేజ్ కూడా చేరింది. తన తదుపరి సినిమాలో బ్లేజ్ తో గుర్రపుస్వారీ ఉంటుందనే వార్తలు వస్తున్నాయి. చిరంజీవి హార్స్ రైడింగ్ లో నేర్పరి కావడం కూడా చరణ్ కు చిన్నప్పుడే గుర్రపు స్వారీపై మక్కువ కలగడానికి కారణం అని చెప్పొచ్చు.
View this post on Instagram