Ram Charan : మెగా పవర్ స్టార్‌ రామ్ చరణ్ ప్రస్తుతం శంకర్ దర్శకత్వంలో గేమ్‌ చేంజర్‌ సినిమా చేస్తున్న విషయం తెల్సిందే. చివరి దశకు షూటింగ్ చేరుకుందని సమాచారం అందుతోంది. ఇదే సమయంలో ఉప్పెన దర్శకుడు బుచ్చి బాబు దర్శకత్వంలో రామ్ చరణ్ సినిమాకు ఓకే చెప్పాడు.
బుచ్చిబాబు మొదటి సినిమాతోనే వంద కోట్ల వసూళ్లు దక్కించుకున్న దర్శకుడు. అందుకే చరణ్ తో ఆయన తీయబోతున్న సినిమా పై అంచనాలు ఆకాశాన్ని తాకేలా ఉన్నాయి. అంచనాలకు ఏమాత్రం తగ్గకుండా బుచ్చిబాబు ఏర్పాట్లు షురూ చేశాడు. స్క్రిప్ట్‌ వర్క్ కి బుచ్చి బాబు కి చాలా సమయం లభించడంతో అద్భుతమైన స్క్రిప్ట్‌ రెడీ అయ్యిందట.
ఇక బుచ్చి బాబు ఈ సినిమా యొక్క ఫస్ట్‌ లుక్ మరియు టైటిల్‌ ను రామ్ చరణ్ బర్త్‌ డే సందర్భంగా మార్చి 27న రివీల్ చేసేందుకు గాను ఏర్పాట్లు చేస్తున్నట్లుగా సమాచారం అందుతోంది. అప్పటి వరకు షూటింగ్ ప్రారంభం అయ్యే అవకాశం ఉంది. అంతే కాకుండా గ్లిమ్స్ కోసం ప్రత్యేకంగా కొన్ని షాట్స్ ను షూట్ చేసే విధంగా కూడా ప్లాన్ చేస్తున్నారట.