ప్రియాంక రెడ్డి హత్య : ఈ క్లూ ఆధారంగానే పట్టుకున్నారు..

అత్యంత కిరాతకంగా అత్యాచారం చేసి..పాశవికంగా హత్య చేసిన అక్కడితో ఆగకుండా బాధితురాలి కుటుంబానికి చివరి చూపులు కూడా మిగల్చకుండా దహనం చేసిన నిందితులను షాద్ నగర్ పోలీసులు నిన్న అరెస్ట్ చేసిన సంగతి తెలిసిందే. వారి వద్దనుంచి విలువైన సమాచారాన్ని రాబట్టారు. ఈ సమాచారం మేరకు అత్యాచారం ఎలా జరిగింది.. హత్య ఎలా చేశారు అనే విషయాలను పోలీసులు తెలుసుకోగలిగారు. పోలీసులు రిమాండ్ రిపోర్ట్ లో తెలిపిన వివరాలు ఈ విధంగా వున్నాయి

నవంబర్ 27 వ తేదీ సాయంత్రం 9 గంటల ప్రాంతంలో ఓఆర్ఆర్ టోల్ ప్లాజా వద్దకు చేరుకున్న ప్రియాంక రెడ్డి స్కూటీకి పంచర్ కావడంతో..  బైక్ రిపేర్ చేయిస్తా అని నిందితుడిలో ఒకరు వెళ్తున్న సమయంలో ప్రియాంక రెడ్డి వారి ఫోన్ నెంబర్ తీసుకుంది.  ఆ ఫోన్ నెంబర్ ఏ 1 నిందితుడు మహ్మద్ ఆరిఫ్ ఫోన్ నెంబర్.  బైక్ తీసుకెళ్లి 15 నిముషాలు అవుతున్నా రాకపోవడంతో ఆరిఫ్ నెంబర్ కు ఫోన్ చేసింది.  ఈ ఫోన్ నెంబర్ ఆధారంగానే ప్రధాన నిందితుడు ఆరిఫ్ ను పోలీసులు పట్టుకున్నారు.

ఇక ఆ సమయంలో ప్రధాన నిందితుడు మహ్మద్ ఆరిఫ్.. ప్రియాంక రెడ్డి నోరు మూసి గోడ వెనక్కు లాక్కెళ్లారు. అక్కడే ఆమెపై అత్యచారం చేశారు. ఆమె అరుస్తుండటంతో… ఆమెకు బలవంతంగా మద్యం తాగించి నోరు, ముక్కు మూసి రేప్ చేశారు. దీంతో ఆమె మరణించింది. అనంతరం ఆమె శవాన్ని లారీ కేబిన్ లో వేసుకొని మృతదేహంపైనే కామాంధులు కామదాహం తీర్చుకున్నారు. ఆ తరువాత అక్కడి నుంచి లారీ వెళ్ళిపోయింది. ఇంతలా చేసిన ఆ నరరూప రాక్షసులకు పోలీసులు కల్పిస్తున్న సెక్యూరిటీని చూసి జనాలు నివ్వెరపోతున్నారు.

ఈ ఉదయం పోలీసులు ఆ నలుగురిని షాద్ నగర్ పోలీస్ స్టేషన్ కు తరలించారు. అలా తరలించిన తరువాత అక్కడికి ప్రజలు భారీ ఎత్తున చేరుకోవడం.. పెద్ద ఎత్తున నినాదాలు చేస్తూ.. నిందితులను తమకు అప్పగించాలని డిమాండ్ చేయడంతో ఉద్రిక్తకరమైన పరిస్థితులు నెలకొన్నాయి.

హాస్పిటల్ కు కూడా తీసుకెళ్లలేని పరిస్థితులు ఉండటంతో ప్రభుత్వ వైద్యులు, చివరకు షాద్ నగర్ ఎగ్జిక్యూటివ్ మేజిస్ట్రేట్ కూడా పోలీస్ స్టేషన్ కు వచ్చి విచారణ జరపాల్సిన పరిస్థితి ఏర్పడింది. ఆ తరువాత వారికి 14 రోజులపాటి రిమాండు విధించారు. రిమాండ్ విధించిన నలుగురు నిందితులను షాద్ నగర్ నుంచి చర్లపల్లి జైలుకు తరలించేందుకు పోలీసులు భారీ ఎత్తున ఏర్పాట్లు చేశారు.

బహుశా ఒక కరుడుకట్టిన తీవ్రవాది పట్టుబడినపుకు అతడిని తరలించేందుకు కూడా ఈ స్థాయిలో ఏర్పాట్లు చేస్తారో లేదో కూడా తెలియదు. ఆ స్థాయిలో ఏర్పాట్లు చేశారు. అత్యాచారం, హత్య చేసిన నిందితులను తరలించడానికి నలుగురు డీసీపీల నేతృత్వంలో ఒక భారీ కాన్వాయ్ ను ఏర్పాటు చేసి తీసుకెళ్లారు అంటే.. ప్రజల్లో ఆ నిందితులపై ఎంతటి ఆగ్రహం ఉన్నదో అర్ధం చేసుకోవచ్చు.

ఒకవేళ ఆ సమయంలో ఆ నిందితులు ప్రజల చేతికి చిక్కితే.. వాళ్ళ చేతుల్లో ముక్కలయ్యేవారు. ఇప్పటికైనా చట్టాలను కఠినం చేసి మహిళలను రక్షించడానికి తగిన చర్యలు తీసుకుంటే బాగుంటుంది.