ఎర్ర గడ్డ.. అంటే, ఉల్లి పాయ్.. అదే ఉల్లి గడ్డ అని కొన్ని చోట్ల అంటారట.! అందులో తప్పేముంది.? కానీ, హైద్రాబాద్లో ఎర్రగడ్డ అంటే అదొక ప్రాంతం. అక్కడ మానసిక వైద్య శాల.. అదే, మెంటల్ హాస్పిటల్ వుంది. తెలుగు రాష్ట్రాల్లో ‘ఎర్రగడ్డ’ అనగానే, మెంటల్ హాస్పిటల్ అనే అందరికీ తెలుసు. సినిమాల్లో ఈ విషయమై పడే సెటైర్ల గురించి కొత్తగా చెప్పేదేముంది.?
ఇక, ఉల్లిపాయని, ఉల్లి గడ్డ అని కూడా అంటారు. రాయలసీమలో అయితే, ‘ఉర్ల గడ్డ’ అంటారట.! రాయలసీమకి చెందిన కొందరు సోషల్ మీడియాలో, ‘ఉర్ల గడ్డ’ అంటూ ట్వీట్లేస్తున్నారు.
అసలు విషయానికొస్తే, ఆంధ్రప్రదేశ్ ముఖ్యమంత్రి వైఎస్ జగన్ మోహన్ రెడ్డి కారణంగా ఈ ‘ఉల్లి గడ్డ’ పంచాయితీ తెరపైకొచ్చింది. ఇటీవల రాష్ట్రాన్ని కుదిపేసిన తుపాను నేపథ్యంలో, బాధితుల కష్టాలు తెలుసుకునేందుకు హెలికాప్టర్ పర్యటనలు చేశారు, జనంతోనూ మాట్లాడారు ముఖ్యమంత్రి వైఎస్ జగన్.
ఈ క్రమంలో అధికారుల్ని వెంటేసుకుని, మీడియా ముందుకొచ్చారు. ‘కిలో ఉల్లి పాయలు, కిలో బంగాళా దుంపలు..’ ఇలా లెక్కలు చెబుతూ, బాధితులకు అందుతోన్న సహాయ సామాగ్రి గురించి పేర్కొన్నారు.
‘పొటాటో అంటే, ఉల్లి గడ్డే కదా..’ అని ముఖ్యమంత్రి వ్యాఖ్యానించడంతోనే అసలు తంటా వచ్చి పడింది. పొటాటో అంటే బంగాళా దుంప అనీ, ఉల్లి గడ్డ కాదనీ అధికారులు ముఖ్యమంత్రికి చెప్పారు. ముఖ్యమంత్రి వైఎస్ జగన్ అనే కాదు, ఎవరైనా సరే.. మాటలో పొరపాటు జరగొచ్చు. అదేమీ నేరం కాదు కూడా.
అయితే, సోషల్ మీడియాలో ట్రోలింగ్ షురూ అయ్యింది. దానికి కౌంటర్ ఎటాక్ ఇస్తూ, ‘రాయలసీమ భాష, యాసని అవమానిస్తున్నారు. రాయలసీమలో ఉల్లి గడ్డని ఉర్ల గడ్డ అనే అంటారు..’ అంటూ కొందరు నానా యాగీ చేస్తున్నారు. ఉర్ల గడ్డ, ఉల్లి గడ్డ. ఆలు గడ్డ.. ఎర్ర గడ్డ… ఈ ట్రోలింగ్ రాజకీయం ఓ మట్టి గడ్డ.!
పప్పు.. అనీ, పావలా.. అనీ రాజకీయ విమర్శలు చేసినప్పుడు, నత్తి పకోడీ అనే విమర్శను ఎదుర్కోవాల్సి వస్తుంది మరి.!
Very quickly this site will be famous amid all blogging visitors, due to it’s nice articles or reviews