Poonam Kaur: కొందరు నేతలు తమ రాజకీయ ప్రయోజనాల కోసం తనను పావుగా వాడుకుంటున్నారని.. ఒక మహిళపై ఇటువంటి కుట్రలు తగవని నటి పూనమ్ కౌర్ (Poonam Kaur) వాపోయారు. ఈమేరకు ఓ పత్రికా ప్రకటనలో.. ‘నేను ఏ రాజకీయ పార్టీ కండువా కప్పుకోలేదు.. ఏ పార్టీలోనూ చేరలేదు. అయినా నన్ను పావులా వాడుకోవాలని చూస్తున్నారు. గత ఎన్నికల్లో కూడా ఇవే వికృత చేష్టలు చేశారు. మరికొందరు పైశాచిక ఆనందం పొందాలని చూస్తున్నారు. నాకు ఎవరి సానుభూతి అవసరం లేదు’.
‘సిక్కు బిడ్డగా త్యాగాలు తెలుసు.. పోరాటాలు తెలుసు. రేండేళ్లుగా నేను చేనేత కళాకారుల కోసం పని చేస్తూ.. దేశవ్యాప్త పర్యటన చేస్తున్నాను. జాతీయ చేనేత దినోత్సవ రూపకర్త యర్రమాద వెంకన్నతో కలిసి ఇప్పటి 15 రాష్ట్రాలు, 21పార్టీలకు చెందిన 100 మంది ఎంపీల మద్దతుతోపాటు సామాజిక ఉద్యమకారులు, మహిళా ఉద్యమ నేతలను కలిశాను. మహిళా హక్కుల కోసం నిరంతర పోరాటం చేస్తాను. చేనేత, మహిళా ఉద్యమాలను జాతీయస్థాయిలో నిర్మించే పనిలో ఉన్నాము. నానుంచి ఎటువంటి అప్డేట్ అయినా నేనే తెలియజేస్తాన’ని అన్నారు.
