దత్త పుత్రుడంటూ జనసేన అధినేత పవన్ కళ్యాణ్ మీద సెటైర్లేయడం వైఎస్సార్ కాంగ్రెస్ పార్టీ నేతలకు పరిపాటిగా మారిపోయింది. తాజాగా ముఖ్యమంత్రి వైఎస్ జగన్ మోహన్ రెడ్డి కూడా తన స్థాయి మరచి, జనసేన అధినేతపై ‘దత్తపుత్రుడు’ అంటూ సెటైర్లు వేశారు.
ఈ ‘దత్తపుత్రుడు’ వెటకారాలపై జనసేన అధినేత పవన్ కళ్యాణ్ తనదైన స్టయిల్లో స్పందించారు. ‘ఔను, నేను దత్తపుత్రుడినే.. కానీ, ప్రజలకి.. ముందు వెటకారాలు ఆపి పని చూడండి..’ అంటూ పవర్ పంచ్ ఇచ్చారు జనసేన అధినేత పవన్ కళ్యాణ్.
‘ఉద్యోగులు రోడ్ల మీదకు వచ్చింది విపక్షాల కారణంగా కాదు. వాళ్ళనలా రోడ్లపైకి లాగింది రాష్ట్ర ప్రభుత్వమే. అధికారంలోకి రావడం కోసం ఉద్యోగులకు ఇచ్చిన హామీల్ని నెరవేర్చకపోవడం వల్లే ఈ పరిస్థితి. అధికారంలోకి వచ్చాక వారం రోజుల్లో సీపీఎస్ రద్దు చేస్తామన్నారు. ఇప్పటిదాకా రద్దు చేయలేదు. అందుకే ఉద్యోగులు రోడ్డెక్కాల్సి వచ్చింది..’ అని జనసేన అధినేత వ్యాఖ్యానించారు.
ప్రభుత్వం విఫలమవ్వాలనీ ఎవరూ కోరుకోరనీ, ప్రభుత్వం మరింత సమర్థవంతంగా పని చేయాలనీ, మెరుగైన పాలన అందించాలని మాత్రమే తాను కోరుకుంటానని, ప్రభుత్వం పని చేయడంలేదు కాబట్టే, బాధ్యతగల విపక్షంగా తాము ప్రభుత్వాన్ని ప్రశ్నిస్తున్నామన్నది జనసేనాని వాదన.
ప్రభుత్వం చేసే ప్రతిపనికీ విపక్షాలు డూడూ బసవన్నలా తలాడించాలని అధికారపక్షం భావిస్తే అంతకన్నా హాస్యాస్పదం ఇంకోటుండదనీ, ఎవర్నయినా అధికార పార్టీ నేతలు ఎలాగైనా మాట్లాడేస్తారనీ, ప్రభుత్వ వైఫల్యాల్ని తాము ప్రశ్నిస్తే, వాటిని వైసీపీ నాయకులు జీర్ణించుకోలేకపోతున్నారన్నారు పవన్ కళ్యాణ్.
మొత్తమ్మీద, ‘దత్తపుత్రుడు’ అంటూ తన మీద వైసీపీ అధినాయకత్వం చేస్తున్న విమర్శలపై పవన్ కళ్యాణ్ తనదైన స్టయిల్లో కౌంటర్ ఎటాక్ చేశారన్నమాట. ఇప్పటికైనా అధికార పార్టీ నేతలు వెటకారాలు ఆపి మెరుగైన పాలన మీద దృష్టిపెడతారా.? వేచి చూడాల్సిందే.
#PawanKalyan is expecting the Right things from the wrong people
Criticizing in a constructive way has never been #YSRCP 's cup of tea,neither it will be
Its utter waste #PawanKalyan giving an explanation on his comments,as the #Ysrcp leaders are least bothered nor they change pic.twitter.com/aKj0iV63bO
— TeluguBulletin.com (@TeluguBulletin) February 10, 2022
841264 39498Very good post. I just stumbled upon your blog and wanted to say that Ive truly enjoyed surfing about your weblog posts. Following all I will probably be subscribing to your feed and I hope you write once more really soon! 618129
24969 704051Thanks for this excellent. I was wondering whether you were planning of writing related posts to this 1. .Keep up the excellent articles! 477579