పలాస 1978 చిత్రంతో దర్శకుడిగా విమర్శకుల ప్రశంసలు దక్కించుకున్న కరుణ కుమార్ రెండవ సినిమాను గీతా ఆర్ట్స్లో చేసే ఛాన్స్ పొందాడు. పలాస చిత్రం చూసిన వెంటనే అల్లు అరవింద్ ఈ దర్శకుడిని అడ్వాన్స్ ఇచ్చాడు. తమ బ్యానర్లో సినిమా చేద్దాం అంటూ బుక్ చేశాడు. ఆ విషయం అప్పట్లో చర్చనీయాంశం అయ్యింది. పలాస చిత్రంకు మంచి పబ్లిసిటీని కూడా తెచ్చి పెట్టింది. ఆ సినిమా విడుదలై చాలా నెలలు అయినా కూడా ఇప్పటి వరకు అల్లు అరవింద్ నుండి పిలుపు రాకపోవడంతో దర్శకుడు కరుణ కుమార్ మరోప్రాజెక్ట్ను నెత్తిన పెట్టుకున్నట్లుగా తెలుస్తోంది.
సినీ వర్గాల ద్వారా అందుతున్న సమాచారం ప్రకారం కరుణ కుమార్ రెడీ చేసిన ఒక స్క్రిప్ట్ బాగా నచ్చిన రాజశేఖర్ సొంత బ్యానర్లో నిర్మించేందుకు సిద్దం అయ్యాడట. తన భార్య జీవిత నిర్మాణంలో తానే హీరోగా నటిస్తూ సినిమా చేసేందుకు రాజశేఖర్ ఒప్పుకున్నాడట. స్క్రిప్ట్ వర్క్ కూడా దాదాపుగా పూర్తి చేసిన వీరు వచ్చే నెలలో సినిమాను పట్టాలెక్కించేందుకు ఏర్పాట్లు చేస్తున్నట్లుగా ఇండస్ట్రీలో టాక్ వినిపిస్తుంది.
రాజశేఖర్ గరుడవేగ చిత్రంతో సక్సెస్ ట్రాక్ ఎక్కినా మళ్లీ కల్కి సినిమాతో ఫ్లాప్ను చవిచూశాడు. ఈసారి ఖచ్చితంగా హిట్ కొట్టాలనే పట్టుదలతో రాజశేఖర్ సినిమాకు సినిమాకు మద్య ఎక్కువ గ్యాప్ తీసుకుంటున్నట్లుగా సమాచారం అందుతోంది. కరుణ కుమార్ ఇచ్చిన కథ నచ్చడంతో వెంటనే నటించేందుకు ఓకే చెప్పి ఉంటాడని అంటున్నారు. రాజశేఖర్ ను దర్శకుడు ఎలా చూపించబోతున్నాడు, సినిమా నేపథ్యం ఏంటీ అనేది వచ్చే నెల సినిమా ప్రారంభం అయిన తర్వాత క్లారిటీ వచ్చే అవకాశం ఉంది.
729014 110158There is noticeably a bundle comprehend this. I suppose you made specific nice points in functions also. 736798
442116 378699I see something genuinely special in this internet site . 389644