పంచాయితీ కార్యాలయాలకు వైసీపీ రంగులు వేయడం అప్పట్లో రాజకీయంగా పెను దుమారం రేపింది. హైకోర్టు, సుప్రీంకోర్టు మొట్టికాయలతో ప్రభుత్వం దిగొచ్చినా, ఇంకా కొన్ని చోట్ల పంచాయితీ కార్యాలయాలకు వైసీపీ రంగులు అలాగే కొనసాగుతున్నాయి. పంచాయితీ ఎన్నికల తర్వాత ఇప్పుడు ఆ రంగులు మారుతున్నాయి. టీడీపీ గెలిచిన పంచాయితీల్లో పంచాయితీ కార్యాలయాలకి పసుపు రంగులు వేస్తున్నారు. దాంతో అధికార పార్టీకి ఒళ్ళు మండిపోతోంది. ‘టీడీపీ అరాచకం’ అంటూ వైసీపీ అను‘కుల’ మీడియా గగ్గోలు పెడుతోంది. ‘అధికారంలో వున్నప్పుడూ పచ్చ రంగులే, అధికారం పోయాక కూడా పచ్చ రంగులే..’ అంటూ వైసీపీ అను‘కుల’ మీడియా గురివింద నైజాన్ని ప్రదర్శిస్తోంది.
ఇక్కడ వైసీపీకి, ఆ పార్టీ అను‘కుల’ మీడియాకి అర్థం కాని విషయమేంటంటే, ముందు ముందు రాష్ట్రంలో పంచాయితీ కార్యాలయాలకు మరిన్ని రంగులు మారబోతున్నాయి. జనసేన పార్టీ కూడా చాలా పంచాయితీల్ని గెలిచింది. రంగులు మార్చే పైత్యాన్ని పాపులర్ చేసింది వైసీపీనే గనుక, ‘ముల్లుని ముల్లుతోనే తీయాలి’ అన్న చందాన వివిధ రాజకీయ పార్టీలు ఆలోచన చేస్తే, ఎక్కడికక్కడ పంచాయితీ కార్యాలయాల రంగులు మారిపోవడం ఖాయం. అక్కడికేదో అధికారంలో వున్నప్పుడు తమ సొంత డబ్బులతో రాష్ట్రాన్ని ఉద్ధరించేస్తున్నట్లుగా గతంలో టీడీపీ, ఇప్పుడు వైసీపీ.. ఈ రంగుల పైత్యాన్ని ప్రదర్శిస్తూ, ప్రజాస్వామ్యాన్ని పరిహాసం చేస్తూ వచ్చాయి. ఇకపై అది కుదరకపోవచ్చు.
ఏ ప్రభుత్వ కార్యలయానికైనా ఏ రాజకీయ పార్టీ రంగు కూడా వుండటానికి వీల్లేదు. ఈ విషయమై రాష్ట్రస్థాయి విధానం కాదు, జాతీయ స్థాయిలో ఒకే విధానం వుండాలి. కోర్టు ఆదేశాల్ని సైతం లెక్క చేయకుండా పంచాయితీ కార్యాలయాలకు రంగులేస్తున్న అధికార పార్టీ.. ఇకనైనా బుద్ధి తెచ్చుకుంటే మంచిది.!
486698 446786This really is the suitable blog for anybody who needs to seek out out about this topic. You notice so significantly its virtually laborious to argue with you (not that I really would wantHaHa). You undoubtedly put a brand new spin on a topic thats been written about for years. Wonderful stuff, just wonderful! 953916
286277 348035Dude. You mind if I link to this post from my own website? This is just too awesome. 224879
490762 570336Im agitated all these write-up directories. It confident would be good to have every post directory that instantly accepts articles. 256865