ఆయనెవరో అమరావతి ఉద్యమ నాయకుల్లో ఒకరట.! పేరేమో కొలికపూడి శ్రీనివాసరావు అట.! ఆర్జీవీ తలకాయ్ నరికి తెస్తే, కోటి రూపాయలు ఇస్తానన్నాడట.! ఇంతకీ, కోటి రూపాయలు ఎక్కడి నుంచి ఆయన తెచ్చిస్తాడు.? అసలు రామ్ గోపాల్ వర్మ తలకి అంత రేటుందా.? ఇలాంటి ప్రశ్నలు తెరపైకొస్తున్నాయ్.!
‘మేధావి’ అనే ట్యాగ్ వేసుకుని టీవీ డిబేట్లలో కూర్చుంటాడు కొలికపూడి శ్రీనివాసరావు. నిజానికి, ఆర్జీవీ కంటే తక్కువేమీ కాదీయన.! అందుకే, ఆర్జీవీకి ఏం మెటీరియల్ కావాలో అదిచ్చేశాడు కొలికపూడి. విషయం టీడీపీ అను‘కుల’ మీడియాలో జరిగింది. టీడీపీ అను‘కుల’ మీడియాగా పేరొందిన ఓ ఛానల్ చర్చా కార్యక్రమంలో కొలికపూడి శ్రీనివాసరావు ఈ వ్యాఖ్యలు చేశారు.
అతే, ఆర్జీవీకి కంటెంట్ దొరికేసింది. లగెత్తుకుని, ఆంధ్రప్రదేశ్‌కి పారిపోయి, అక్కడి డీజీపీకి ఫిర్యాదు చేసేశారు. అంతేనా, ‘ఎవరన్నా కొలికపూడి శ్రీనివాసరావు మాటల్ని సీరియస్‌గా తీసుకుని, తన తలకాయ్‌ని లేపుకుపోతే ఏంటి.?’ అంటూ అమాయకంగా ప్రశ్నించేశాడు ఆర్జీవీ.
ఈ ఆర్జీవీనే, ‘నేను ముంబై మాఫియాకే భయపడలేదు తెల్సా.?’ అని గొప్పలకు పోతుంటాడు. అయినా, ఆర్జీవీ తలకాయ్‌ని ఎవడు మాత్రం ఏం చేసుకుంటాడు.? ఆ బుర్రలో గుజ్జు తరిగిపోయి చాలాకాలమే అయ్యింది. ఆర్జీవీ సినిమాలు చూస్తే, అసలు అతనికి తలకాయ్ వుందా.? అన్న ప్రశ్న తెరపైకొస్తుంటుంది.
‘మీరు చనిపోయి చాలా ఏళ్ళయ్యింది.. అది మీకే తెలియట్లేదు..’ అంటూ ఆర్జీవీని ఉద్దేశించి నెటిజనం చాలామంది సెటైర్లేస్తున్నారనుకోండి.. అది వేరే సంగతి. ఆర్జీవీ సినిమా అంటే, ఒకప్పుడు వేరే లెవల్. ఇప్పుడు ఆర్జీవీ సినిమా అంటే, హీనం.!
వైసీపీ వెదజల్లే కాసులకి కక్కుర్తి పడి తీసిన సినిమా ‘వ్యూహం’. దాని పబ్లిసిటీ కోసమే ఆర్జీవీ ఇలా పాట్లు పడుతున్నాడు. సినిమా రిలీజయ్యేలా లేదు.. అదీ ఆర్జీవీ ఫ్రస్ట్రేషను.!