యంగ్ టైగర్ ఎన్టీఆర్, మెగా పవర్ స్టార్ రామ్చరణ్.. ఇద్దరూ కలిసి స్ట్రాంగ్ వార్నింగ్ ఇచ్చేశారు. ఇంతకీ ఏంటా వార్నింగ్? స్నేహితుల దినోత్సవం రోజున ఎవర్ని టార్గెట్గా చేసుకుని ఇద్దరు టాలీవుడ్ సూపర్ స్టార్స్ వార్నింగ్స్ జారీ చేశారు? సినీ వర్గాల్లో ఇప్పుడు అంశంపై ఆసక్తికరమైన చర్చ జరుగుతోంది. అసలు విషయమేంటంటే, స్నేహం గురించి చరణ్, ఎన్టీఆర్.. ఇద్దరూ తమదైన స్టయిల్లో సోషల్ మీడియాలో స్పందించారు.
మరోపక్క చరణ్ సతీమణి ఉపాసన, ఎన్టీఆర్ సతీమణి లక్ష్మీ ప్రణతి కూడా సోషల్ మీడియా వేదికగా తమ మధ్య స్నేహాన్ని చాటుకున్నారు. నిజానికి, ఎన్టీఆర్ – చరణ్ మధ్య స్నేహం చాలాకాలం క్రితమే ప్రాంభమయ్యింది. యంగ్ టైగర్ ఎన్టీఆర్ హీరోగా నటించిన ‘బాద్ షా’ సినిమా ప్రారంభమయినప్పటి రోజులవి. ‘బావా..’ అంటూ ఎన్టీఆర్ – చరణ్ కలిసి సందడి చేశారు ఆ కార్యక్రమంలో. ఆ తర్వాత పలు సందర్భాల్లో చరణ్, ఎన్టీఆర్ కలుసుకున్నారు. కానీ, అభిమానుల వ్యవహారం ఇంకోలా వుంది.
చరణ్ అభిమానులంటే, మెగా అభిమానులే కదా.! ఆ మెగా అభిమానుల్ని, యంగ్ టైగర్ ఎన్టీఆర్ అభిమానులు టార్గెట్ చేశారు. ఈ క్రమంలో మెగా అభిమాని ఒకరు తిరుపతిలో హత్యకు గురయ్యారు కూడా. పవన్ కళ్యాణ్, ఆ అభిమాని కుటుంబాన్ని పరామర్శించారు. ‘సినీ పరిశ్రమలో మేమంతా కలిసే వుంటాం. అన్నదమ్ముల్లా కలిసి మెలిసి వుంటాం. మా పేరు చెప్పి, మీరు కొట్టుకోవడం బాగోలేదు’ అంటూ మొత్తంగా అభిమానులందరికీ స్ట్రాంగ్ వార్నింగ్ ఇచ్చాడు.
మరోపక్క, జూనియర్ ఎన్టీఆర్ అభిమానులకీ, మహేష్ అభిమానులకీ మధ్య గొడవలున్నాయి. ఆ గొడవల్ని తగ్గించే క్రమంలో, మహేష్ నటించిన ‘భరత్ అనే నేను’ సినిమా ప్రీ రిలీజ్ ఫంక్షన్కి ముఖ్య అతిథిగా హాజరయ్యాడు జూనియర్ ఎన్టీఆర్. ‘మహేష్ అన్నా..’ అంటూ అప్యాయంగా మాట్లాడాడు. ఆ తర్వాత చరణ్, మహేష్, ఎన్టీఆర్.. అదే రోజు నైట్ పార్టీలో సందడి చేశారు. హీరోల మధ్య గొడవలేమీ వుండవు. సినీ పరిశ్రమలో ఆరోగ్యకరమైన పోటీ వుండాల్సిందే. ఆ పోటీని అందరూ ఎంజాయ్ చేస్తున్నారు. అభిమానులే కొట్టుకుంటున్నారు.
‘ఆర్ఆర్ఆర్’ సినిమాకి సంబంధించి ఎన్టీఆర్, చరణ్ అభిమానుల మధ్య సోషల్ మీడియాలో చాలా దారుణంగా గొడవలు జరుగుతున్న దరిమిలా, స్నేహితుల దినోత్సవం రోజున.. ఎన్టీఆర్, చరణ్.. సోషల్ మీడియా వేదికగా అభిమానులకు స్వీట్ వార్నింగ్ ఇచ్చారు. ఇకనైనా అభిమానులు మారాలి. తమ అభిమాన హీరోల్ని చూసి నేర్చుకోవాలి. ప్రేమిస్తే పోయేదేముంది బాస్.. తిరిగి ప్రేమిస్తారంతే.!
754377 541598Hello! Amazing post! Please when I could see a follow up! 32760