Nandini Reddy: సంతోష్ శోభన్ హీరోగా… మాళవిక నాయర్‌ హీరోయిన్‌ గా రూపొందిన అన్నీ మంచి శకునములే సినిమా ఇటీవలే ప్రేక్షకుల ముందుకు వచ్చి నిరాశ పరిచిన విషయం తెల్సిందే. ఈ సినిమాకు లేడీ డైరెక్టర్ నందిని రెడ్డి దర్శకత్వం వహించారు. స్వప్న సినిమాస్ బ్యానర్‌ లో ప్రియాంక దత్‌ ఈ సినిమాను నిర్మించారు.
సినిమాకు సాలిడ్ ప్రమోషన్ కార్యక్రమాలు నిర్వహించారు. నెల రోజులుగా మీడియాలో ఈ సినిమా గురించి ప్రధానంగా చర్చ జరిగేలా హడావుడి చేశారు. దాంతో సినిమా బాగుంటుందేమో అనుకున్న వారు థియేటర్ల వైపు అడుగులు వేశారు. కానీ సినిమాకు నిరాశే ఎదురయ్యింది. సినిమాకు నెగటివ్ రివ్యూలు వచ్చాయి… ప్రేక్షకుల నుండి నెగటివ్ స్పందన వచ్చింది.
సినిమాకు వచ్చిన నెగటివ్ స్పందనపై దర్శకురాలు నందిని రెడ్డి స్పందించింది. అన్నీ మంచి శకునములే సినిమాను కాస్త స్లో గా ఉందని కొందరు అన్నారు. అయితే చాలా మంది మాత్రం సినిమా విషయంలో పాజిటివ్ గా ఉన్నారు. సినిమా ను రెండు గంటల పాటు సరిగ్గా ఫాలో అయ్యారు కనుకే చివర్లో ఎమోషనల్‌ గా కనెక్ట్ అవ్వగలిగారు. ఏది ఏమైనా రచనలో సమస్యలు ఉన్న మాట వాస్తవం. సినిమా కి నెగటివ్ టాక్ రావడానికి పూర్తి బాధ్యత నాదే అంటూ నందిని రెడ్డి ఆసక్తికర వ్యాఖ్యలు చేసింది.