మహేష్ సినిమా బడ్జెట్ ఎంతో తెలుసా?

సూపర్ స్టార్ మహేష్ బాబు హీరోగా అనిల్ రావిపూడి దర్శకత్వంలో రూపొందే సరిలేరు నీకెవ్వరూ చిత్రానికి చక చక ఏర్పాట్లు జరుగుతున్నాయి. మే 31న పూజ కార్యక్రమాలతో ప్రారంభం అయిన ఈ సినిమా రెగ్యులర్ షూటింగ్ జులై రెండో వారంలో మొదలు పెట్టనున్నారు. ఇప్పటికే దానికి సంబందించిన సెట్స్ నిర్మాణం కూడా జరుగుతుంది. ఈ సినిమా కథ ప్రకారంగా రెండు భారీ సెట్స్ ని నిర్మించే పనిలో ఉంది టీమ్. ఇప్పటికే హైదరాబాద్ లోని ఓ స్టూడియోలో ఓ సెట్ నిర్మాణం జరుపుతున్నారు. ఇక్కడ మొదటి షెడ్యూల్ ని మొదలు పెట్టి ఆ తరువాత రెండో షెడ్యూల్ కోసం కాశ్మీర్ వెళ్లనున్నారట. అక్కడ 20 రోజుల పాటు కీలక సన్నివేశాల చిత్రీకరణ జరుపుతారట.

మహేష్ నటించే ఈ సినిమా బడ్జెట్ ఎంతో తెలుసా .. 90 కోట్లు !! ఏంటి షాక్ అవుతున్నారా ! మీరు విన్నది నిజమే. ప్రస్తుతం టాలీవుడ్ లో భారీ బడ్జెట్ తో సినిమాలు నిర్మిస్తూ అటు బాక్స్ వద్ద అదే రేంజ్ లో రాబట్టే ప్రయత్నాలు చేస్తున్నారు. ఈ కోవలో మేకర్స్ నిర్మాణ విషయంలో కూడా ఎక్కడ రాజి పడడం లేదు. అందుకే మహేష్ సినిమాకు ఈ రేంజ్ బడ్జెట్ పెట్టారు. మహేష్ సినిమా అంటే .. యావరేజ్ టాక్ వచ్చినా కూడా 100 కోట్లు ఎక్కడికి పోవు కాబట్టి ఇది సేఫ్ గేమ్ !!

ఇక నటీనటుల పారితోషికాలే ఏకంగా 30 కోట్ల వరకు ఉంటుందని, మిగతాది షూటింగ్, పోస్ట్ ప్రొడక్షన్, ప్రమోషన్ గట్రా .. మొత్తంగా సరిలేరు నీకెవ్వరూ ఏకంగా 100 కోట్ల బడ్జెట్ సినిమా అని చెప్పుకోవాలి. అన్నట్టు ఈ సినిమాకోసం మాజీ క్రేజీ హీరోయిన్ విజయశాంతి ఏకంగా 3 కోట్ల పారితోషికం తీసుకుంటుందట ? మహేష్ సరసన రష్మిక మండన్న హీరోయిన్ గా నటిస్తున్న ఈ చిత్రాన్ని దిల్ రాజు, అనిల్ సుంకరలతో కలిసి మహేష్ బాబు నిర్మిస్తున్నాడు.