తాగుబోతుల్ని ట్యాక్స్ పేయర్స్ అనాలంటూ చాలా సినిమాల్లో డైలాగ్స్ని విన్నాం. అది నిజమే, మద్యం అమ్మకాల ద్వారా వచ్చే ఆదాయం రాష్ట్ర ఖజానాకి వరం. తమ జీవితాల్ని నాశనం చేసుకుని మరీ, రాష్ట్ర ఖజనాని కాపాడుతున్నారు తాగుబోతులు. అలాంటి తాగుబోతుల పొట్ట కొడితే ఎలా? వినడానికి ఫన్నీగానే వున్నా, అత్యంత జుగుప్సాకరమైన లాజిక్ ఇది. మద్యం అమ్మకాలతో ఖజానా కళకళలాడుతుందన్నది నిర్వివాదాంశం. కానీ, ఆ మద్యం మొత్తం వ్యవస్థనే నీరుగార్చేస్తోంది. మద్యానికి ఓ వ్యక్తి బానిసైతే, అతని కుటుంబం రోడ్డున పడుతుంది. మద్యం అమ్మకాలు పెరిగే కొద్దీ, మొత్తం వ్యవస్థ సర్వనాశనమైపోతుంది.
స్వర్గీయ నందమూరి తారకరామారావు తాను ముఖ్యమంత్రిగా పనిచేసిన కాలంలో మద్య నిషేధాన్ని తెరపైకి తెచ్చారు. అదే ఆంధ్రప్రదేశ్లో తొలిసారి, ఆఖరిసారి కూడా. కానీ, ఆ మద్య నిషేధం కారణంగా చాలా సమస్యలూ తలెత్తాయి. చంద్రబాబు ముఖ్యమంత్రి అయ్యాక, మద్య నిషేధాన్ని ఎత్తివేయడమే కాదు, మద్యమే ఖజనాకి ప్రధాన ఆదాయవనరు అనే స్థాయికి మద్యం అమ్మకాలు పెరిగేలా చేశారు. ఉమ్మడి ఆంధ్రప్రదేశ్ విడిపోయాక తెలుగు రాష్ట్రాల్లో మద్యం మరింత విచ్చలవిడిగా ప్రవహించింది,, ప్రవహిస్తూనే వుంది.
ఇలాంటి పరిస్థితుల్లో 13 జిల్లాల ఆంధ్రప్రదేశ్లో కొత్త ప్రభుత్వం సరికొత్త ప్రయోగానికి శ్రీకారం చుట్టింది. మద్య నిషేధం దిశగా తొలి అడుగు వేయబోతోంది. దశల వారీగా ఈ నిషేధంపై చర్యలు తీసుకోవాలని ముఖ్యమంత్రి వైఎస్ జగన్, అధికారులకు సూచించారు. తొలుత మద్య నియంత్రణ, ఆ తర్వాత నిషేధం.. ఇదీ వైఎస్ జగన్ ఆలోచన. నిజానికి, ఇది చాలా మంచి ఆలోచన. గెలవడం కోసం ఇచ్చిన ఉత్తుత్తి హామీగానే నిన్న మొన్నటిదాకా మద్య నిషేధం గురించి అందరూ మాట్లాడుకున్నారు. కానీ, అదిప్పుడు కార్యరూపం దాల్చబోతోంది.
ఒకవేళ వైఎస్ జగన్ గనుక తన టెర్మ్ పూర్తయ్యేసరికి మద్య నిషేధం అమలు చేయగలిగితే, స్వర్గీయ నందమూరి తారకరామారావు తర్వాత ఆ ఘనత సాధించిన వ్యక్తిగా రికార్డులకెక్కుతారు. కానీ, అదంత తేలికైన విషయం కాదు. ఆర్థిక వ్యవస్థ ఒక్కసారిగా కుదేలవుతుంది. మద్యానికి బానిసలుగా మారినవారి నుంచి తీవ్ర వ్యతిరేకత వ్యక్తమవుతుంది. బెల్టు షాపుల నిర్వాహకుల నుంచీ అభ్యంతరాలు వ్యక్తమవుతాయి. ఒక్క మాటలో చెప్పాలంటే, వైఎస్ జగన్ మద్యనిషేధం కోసం పెద్ద యుద్ధమే చేయాల్సి వస్తుంది.
పొరుగు రాష్ట్రాల్లో మద్యంపై నిషేధం, నియంత్రణ అమల్లో లేనప్పుడు, ఆంధ్రప్రదేశ్ లాంటి రాష్ట్రాల్లో ఇంతటి కష్టతరమైన ప్రక్రియ చేపట్టడమంటే అంత ఆషామాషీ వ్యవహారం కానే కాదు. అన్నిటికీ మించి, వైఎస్సార్ కాంగ్రెస్ పార్టీలోనూ మద్యం వ్యాపారులు చాలామందే వున్నారు. వారందరి నుంచీ వెల్లువెత్తే వ్యతిరేకతను తట్టుకోవడం వైఎస్ జగన్కి సాధ్యమా.? నేటి రాజకీయాలు నడుస్తున్నదీ మద్యం వ్యాపారం మీదనే. మద్యం లేని రాజకీయాలే లేవు. మరి, జగన్ ఎలా సాధించగలుగతారు మద్య నిసేధాన్ని.? వేచి చూడాల్సిందే.
662568 734764Merely wanna state that this really is extremely helpful , Thanks for taking your time to write this. 505620
638518 54947My spouse and I stumbled over here from a different site and thought I may possibly as well check things out. I like what I see so now im following you. Look forward to going more than your web page repeatedly. 893509
684516 350629I believe other web site proprietors really should take this internet web site as an example , really clean and great user genial style . 6667