హిందీలో అక్షయ్ కుమార్ హీరోగా రాఘవ లారెన్స్ దర్శకత్వంలో తెరకెక్కుతున్న లక్ష్మి బాంబ్ సినిమా నుండి తప్పుకున్నట్టు రాఘవ లారెన్స్ ప్రకటించాడు. ఉన్నట్టుండి ఈ సినిమానుండి తప్పుకోవడంతో అందరు షాకవుతున్నారు. అసలు రాఘవ లారెన్స్ ఈ సినిమా నుండి తప్పుకోవడం ఏమిటి ?
షాకిచ్చే ఈ విషయం గురించి రాఘవ లారెన్స్ స్పందిస్తూ .. నాకు తెలియకుండా ఈ సినిమాకు సంబందించిన ఫస్ట్ లుక్ ని విడుదల చేయడం నన్ను బాధకు గురి చేసింది. ఒక దర్శకుడి అనుమతి లేకుండా, అసలు అతనికి తెలియకుండా ఆ సినిమాకు సంబందించిన ఫస్ట్ లుక్ ని విడుదల చేయడం అంటే ఆ దర్శకుడికి ఎంత పెయిన్ ఉంటుందో మాటల్లో చెప్పలేం. ఈ సినిమానుండి నేను తప్పుకుంటున్నాను. సినిమాకు కమిట్మెంట్ ఇచ్చాను కాబట్టి కథను ఇచ్చేస్తానని, వేరే దర్శకుడితో చేయించుకోమని చెప్పను. నిజమే సినిమా దర్శకుడికి తెలియకుండా అతని సినిమా ఫస్ట్ లుక్ విడుదల అవ్వడం ఎంత దారుణమైన విషయం కదా !!
కాంచన సినిమాతో దర్శకుడిగా స్టార్ క్రేజ్ తెచ్చుకున్నాడు రాఘవ లారెన్స్. కాంచన ఒక్క తమిళంలోనే కాకుండా తెలుగు, కన్నడ, మలయాళ భాషల్లో విడుదలై సంచలన విజయం అందుకుంది. తాజాగా ఈ సినిమాను హిందీలో అక్షయ్ కుమార్ హీరోగా తెరకెక్కిస్తున్నాడు లారెన్స్. ఇప్పటికే షూటింగ్ మొదలైన ఈ సినిమా కు సంబందించిన ఫస్ట్ లుక్ విడుదల అవ్వడంతో లారెన్స్ హార్ట్ అయ్యాడు. లక్ష్మి బాంబ్ టైటిల్ తో తెరకెక్కుతున్న ఈ సినిమాకు ఇప్పుడు కొత్త దర్శకుడ్ని పెట్టె ఆలోచనలో ఉన్నారట. ఇక లక్ష్మి బాంబ్ టైటిల్ తో లేటెస్ట్ గా విడుదలైన ఫస్ట్ లుక్ లో అక్షయ్ కుమార్ కళ్ళకు కాటుక పెట్టుకునే లుక్ వైరల్ గా మారింది.