సారు.. కారు.. 16.. ఢిల్లీలో సర్కారు నినాదంతో సార్వత్రిక ఎన్నికల్లో పోటీ చేసిన టీఆర్ఎస్.. తాను గెలుచుకునే 16 సీట్లతో కేంద్రంలో చక్రం తిప్పాలని భావిస్తున్న సంగతి తెలిసిందే. ఈసారి ప్రాంతీయ పార్టీలదే హవా అని, కేంద్రంలో బీజేపీ, కాంగ్రెస్ లేని కూటమి ప్రభుత్వాన్ని ఏర్పాటు చేయడం కోసం టీఆర్ఎస్ అధినేత కేసీఆర్ ప్రయత్నాలు మొదలుపెట్టారు. ఇందులో భాగంగా తృణమూల్ అధినేత్రి మమతా బెనర్జీ, డీఎంకే అధినేత స్టాలిన్ తదితరులు సమావేశమై చర్చలు కూడా జరిపారు.
ఓవైపు టీడీపీ అధినేత చంద్రబాబు కాంగ్రెస్ కూటమిని అధికారంలోకి తీసుకురావడానికి ప్రయత్నాలు చేస్తుండగా.. కేసీఆర్ మాత్రం అందుకు విరుద్ధంగా కాంగ్రెస్, బీజేపీ లేని ఫెడరల్ ఫ్రంట్ ఏర్పాటు కోసం గట్టిగా కృషి చేస్తున్నారు. అయితే, కేసీఆర్ తాను అనుకున్నంతగా ఈ విషయంలో విజయం సాధించలేకపోయారు. మమత గానీ, స్టాలిన్ గానీ కేసీఆర్ ను అంతగా పట్టించుకోలేదు. చూద్దాంలే అనే ధోరణిలో ఈ ఇరువురు నేతలూ వ్యవహరించారు. తాజాగా చెన్నై వెళ్లి స్టాలిన్ ను కలిసినప్పుడు కూడా ఆ సమావేశం అంత ఫలప్రదం కాలేదు. దీంతో పునరాలోచనలో పడిన కేసీఆర్.. తన ప్రయత్నాలకు కాస్త విరామం ఇవ్వాలని నిర్ణయం తీసుకున్నట్టు తెలుస్తోంది.
వాస్తవానికి కాంగ్రెస్ లేదా బీజేపీ లేకుండా కేంద్రంలో ప్రభుత్వం ఏర్పాటు కావడం సులభం కాదనే విషయం కేసీఆర్ కూ తెలుసు. కానీ ఆ విషయాన్ని ఏ మాత్రం పట్టించుకోకుండా కాంగ్రెస్, బీజేపీ వ్యతిరేక పక్షాలను ఏకతాటిపైకి తీసుకురావాలని ప్రయత్నాలు చేశారు. ఈ అంశంలో ఆయనకు ప్రతికూల ఫలితాలే ఎదురయ్యాయి. దీంతో ఫెడరల్ ఫ్రంట్ ప్రయత్నాలకు ప్రస్తుతానికి ఫుల్ స్టాప్ పెట్టాలని నిర్ణయించుకున్నట్టుగా సమాచారం. చెన్నైలో స్టాలిన్ తో సమావేశం తర్వాత కేసీఆర్ తీరులో మార్పు వచ్చిందని అంటున్నారు.
ఇప్పటివరకు తాను జాతీయ స్థాయి రాజకీయాల వైపు వెళ్లి, రాష్ట్రంలో తన పీఠాన్ని కుమారుడు కేటీఆర్ కి అప్పగించాలని భావించారు. అయితే, ప్రస్తుత పరిస్థితుల్లో కేంద్రంలో చక్రం తిప్పడం అంత సులభం కాదనే విషయం అర్థం కావడంతో కేసీఆర్ తన వ్యూహాన్ని మార్చారు. ఫలితాలు వెల్లడయ్యే వరకు సంయమనం పాటించాలని, ఫలితాలు వచ్చాక అందుకు అనుగుణంగా ముందుకెళ్లాలని నిర్ణయం తీసుకున్నారు. జాతీయ రాజకీయాల్లో కీలకంగా మారి చక్రం తిప్పాలని భావించిన కేసీఆర్ కి తాజా పరిస్థితులు అర్థం కావడంతో కాస్త మెత్తబడ్డారు.
రాష్ట్ర ప్రయోజనాలే పరమావధిగా వ్యవహరించాలని.. రాష్ట్రానికి అండగా నిలబడి అధిక నిధులిచ్చే ప్రభుత్వ ఏర్పాటుకు మద్దతివ్వాలని భావిస్తున్నట్టు తెలుస్తోంది. అది యూపీఏ అయినా, బీజేపీ అయినా తమకు కలసి వచ్చే పార్టీకే మద్దతివ్వాలని యోచిస్తున్నట్టు సమాచారం. ఈ నేపథ్యంలోనే ఇక ఫెడరల్ ఫ్రంట్ ప్రయత్నాలకు ఫుల్ స్టాప్ పెట్టి, రాష్ట్ర పాలనపై దృష్టి సారించారు. సాగునీటి ప్రాజెక్టులపై సమీక్షలు జరపడంతోపాటు ప్రాజెక్టు పనులను స్వయంగా పరిశీలిస్తున్నారు. ఎన్నికల ఫలితాలు వచ్చిన తర్వాత ఫెడరల్ ఫ్రంటా లేక యూపీఏనా, బీజేపీనా అనే విషయం క్లారిటీ రానుంది.
825387 406629All you need to have to know about News details to you. 583249
837743 358025I need to test with you here. Which is not 1 thing I normally do! I enjoy studying a submit that will make men and women feel. Also, thanks for allowing me to comment! 535505
19146 231957Oh my goodness! a fantastic post dude. Thanks Nevertheless My business is experiencing issue with ur rss . Do not know why Struggling to join it. Is there anybody acquiring identical rss issue? Anyone who knows kindly respond. Thnkx 329880
904554 302524As I web-site possessor I believe the content matter here is rattling wonderful , appreciate it for your efforts. You should maintain it up forever! Best of luck. 218711