తెలుగు భామ అంజలి కాస్త గ్యాప్ తరువాత మళ్ళీ టాలీవుడ్ పై బాగా ఫోకస్ పెట్టింది. ఇప్పటికే ఆమె నటిస్తున్న లిసా 3డి సినిమా ఈ నెల 24న విడుదల కానుంది. ఈ సినిమా పై భారీ అంచనాలు పెంచుకున్న అంజలి, ఈ సినిమాతో మళ్ళీ టాలీవుడ్ లో నిలబడాలనే గట్టి ప్రయత్నాలు చేస్తుంది. ఈ సినిమాతో పాటు మరో మూడు సినిమాల్లో నటిస్తున్న అంజలి తాజగా లిసా ట్రైలర్ లాంచ్ కార్యక్రమంలో పాల్గొంది. ఈ రోజు హైదరాబాద్ లో జరిగిన ఈ కార్యక్రమంలో పాల్గొన్న అంజలి మీడియాతో మాట్లాడుతూ పలు విషయాలు పంచుకుంది. అయితే ఈ సందర్బంగా లవ్ ఎఫైర్ గురించి అడిగిన ప్రశ్నకు సమాధానంగా అంజలి స్పందిస్తూ .. అసలు తాను ఎప్పుడు లవ్ లో పడలేదని, ఇవన్నీ కావాలని నాపై పుకార్లు క్రియేట్ చేశారని చెప్పింది.
ఇప్పటికే అంజలి తమిళ హీరో జై తో విడిపోయిందని, అందుకే ఆమె ఫోకస్ సినిమాలపైనే ఉందంటూ వార్తలు వచ్చాయి. నిజానికి అంజలి జర్నీ సమయంనుండే హీరో జై తో ప్రేమాయణం సాగిస్తుందని, వీరిద్దరూ త్వరలోనే పెళ్లి కూడా చేసుకుంటారని కోలీవుడ్ కోడై కూసింది. అయితే ఈ మధ్య వీరిద్దరి మధ్య ఏవో పొరపొచ్చాలు వచ్చాయని, అందుకే బ్రేకప్ అయ్యారని వార్తలు వచ్చాయి. ఈ మద్యే ఓ సినిమాలో జై, అంజలిని కలిపి నటింపచేయాలనీ ప్రయత్నాలు కూడా జరిగాయట, కానీ ఆ సినిమాలో ఇద్దరు చేయమని చెప్పడంతో వీరి మధ్య వ్యవహారం చెండిందని అంటున్నారు.
అంజలి ప్రసుతం సైలెన్స్ చిత్రంలో నటిస్తుంది. అనుష్క తో కలిసి అంజలి నటిస్తున్న ఈ సినిమా షూటింగ్ ప్రస్తుతం అమెరికాలో జరుగుతుంది. ఈ సినిమాతో పాటు అంజలి తమిళంలో మరో రెండు సినిమాలు చేస్తుంది.