ఆ లోటు నా పిల్లలకు రాకూడదు : కత్రినా

బాలీవుడ్ క్రేజీ గర్ల్ కత్రినా ఖైఫ్ ఎంత హాట్ గా ఉంటుందో .. అంత ఘాటుగా పాత్రల్లో నటిస్తూ ఆకట్టుకుంది. ప్రస్తుతం బాలీవుడ్ లో టాప్ హీరోయిన్ రేసులో ఉన్న కత్రినా లైఫ్ లో మరో కోణం ఉంది .. అదే ఆమె పర్సనల్ లైఫ్. జీవితంలో స్టార్ ఇమేజ్ అందుకున్న కత్రినా పర్సనల్ లైఫ్ విషయంలో చాలా జాగ్రత్తగా ఉంటుంది. ఈ మద్యే ఓ ఇంటర్వ్యూ లో కత్రినా షాకిచ్చే జవాబిచ్చింది. ఇంతకీ ఆ ప్రశ్న ఏమిటంటే .. ప్రేమ , పెళ్లి విషయంలో మీ కామెంట్స్ .. ప్రేమ అనేది మనసుకు, పెళ్లి అనేది సమాజానికి చెందిన విషయాలు. ఇద్దరి పరస్పర అంగీకారంతో జరిగేవి. అయితే ప్రేమ విషయం ఎలా ఉన్న పెళ్లి విషయంలో జాగ్రత్త అవసరం.

నా చిన్నప్పుడే మా తల్లిదండ్రులు విడిపోయారు. దాంతో నేను తండ్రి లేకుండానే పెరిగాను .. కానీ ఆ లోటు మాత్రం నా జీవితంలో అలా ఉండిపోయింది .. అందుకే నా పిల్లల విషయంలో మాత్రం తండ్రి లేని లోటు ఉండకూడదంటూ ఘాటు కామెంట్స్ చేసింది. కత్రినా జవాబుకు అందరు షాకయ్యారు. అలాగని తండ్రి లేకపోతె ఒక అమ్మాయి జీవితం కోల్పోయినట్టు కాదు అని, తాను చిన్నప్పుడు చాల సైలెంట్ గా ఉండేదాన్నీ, నా బాధలన్నీ నేనే దిగమింగుకునేదాన్ని అని చెప్పింది.

అసలు నేను హీరోయిన్ అవుతానని కలలో కూడా అనుకోలేదని చెప్పింది కత్రినా. ఎప్పుడు గల గల మని నవ్వుతు ఉండే కత్రినా లో ఇంత భాద ఉందా ? అని. నిజమే ఎవరి జీవితంలో అయినా ఏదైనా పోగొట్టుకుంటే దాని విలువ వాళ్ళకి బాగా తెలుస్తుంది. కత్రినా కూడా ఆ మధ్య రన్బీర్ కపూర్ తో ప్రేమాయణం సాగించింది. ఆ తరువాత ఇద్దరు విడిపోయారు. ఈ మద్యే మళ్ళీ సల్మాన్ తో ప్రేమాయణం సాగిస్తోందంటూ ప్రచారం జరుగుతుంది.