Kareena Kapoor: బాలీవుడ్ (Bollywood) టాప్ హీరోయిన్లు కరీనా కపూర్ (Kareena Kapoor) – అమీషా పటేల్ (Ameesha Patel) మధ్య మాటల్లేవని కొన్నేళ్లుగా వార్తలు ఉన్నాయి. ఇప్పుడు కరణ్ జోహార్ (Karan Johar) నుంచి ఎదురైన ప్రశ్నకు కరీనా కపూర్ ఇచ్చిన సమాధానం వీటిని నిజమేని నిరూపిస్తున్నాయి.
‘ఇటివల జరిగిన గదర్ 2 (Gadar 2) సెలబ్రేషన్స్ పార్టీకి ఎందుకు రాలేదు..? నీకూ, అమీషాకు మధ్య గ్యాప్ ఉందనే రూమర్ ఉంది. కహోనా ప్యార్ హై సినిమా నీ నుంచి చేజారినందుకా..? అని అడిగాడు. దీనికి కరీనా ఒకింత అసహనం వ్యక్తం చేస్తూ.. ‘ఇప్పుడా విషయం గురించి మాట్లాడాలని అనుకోవట్లేద’ని కరీనా సమాధానం ఇచ్చింది. దీంతో వారిద్దరి మధ్యా విబేధాలు ఉన్నాయని చెప్పినట్టైందనే కామెంట్స్ వస్తున్నాయి.
‘2000లో హృతిక్ రోషన్ హీరోగా పరిచయమైన కహోనా ప్యార్ హై బ్లాక్ బస్టర్ అయిన సంగతి తెలిసిందే. మొదట హీరోయిన్ గా కరీనాని తీసుకున్నా.. విబేధాల వల్ల రాకేశ్ రోషన్ ఆమెను తొలగించి నన్ను తీసుకున్నార’ని ఇటివల అమీషా ఓ ఇంటర్వ్యూలో చెప్పడమే ఇందుకు కారణంగా తెలుస్తోంది.