మరో సంచలన చిత్రంతో కబాలి దర్శకుడు ?

కబాలి .. సౌత్ తో పాటు ప్రపంచ వ్యాప్తంగా సంచలనం రేపిన సినిమా. సూపర్ స్టార్ రజని కాంత్ హీరోగా పా రంజిత్ దర్శకత్వంలో తెరకెక్కిన కబాలి విడుదలకు ముందు క్రియేట్ చేసిన బజ్ అంతా ఇంతా కాదు. నిజంగా ఏ సినిమాకు రానంత బజ్ కబాలి విడుదలకు ముందు వచ్చి .. ఆ సినిమా పై భారీ అంచనాలను పెంచేసింది. అయితే ఆ అంచనాలను అదే స్థాయిలో అందుకోకపోవడంతో సినిమా యావరేజ్ హిట్ గా మిగిలింది. నిజంగా ఆ ఆసినిమాకు ఆ రేంజ్ బజ్ తేవడంలో ఈ క్రెడిట్ మొత్తం దర్శకుడు పా రంజిత్ కె చెల్లింది. రజని న్యూ లుక్, కబాలి అంటూ ఓ రేంజ్ లో సాంగ్స్ ఇవన్నీ ఆ సినిమాను తారా స్థాయికి చేర్చాయి. ఈ సినిమా తరువాత వెంటనే పా రంజిత్ తో మరో సినిమా చేసాడు రజని. అదే కాలా.

కాలా సినిమా తరువాత ఈ దర్శకుడు మరో ప్రయత్నం చేస్తున్నాడు. రియల్ కథలకు ఫిక్షన్ జోడిస్తూ సంచలనం రేపడంలో సిద్దహస్తుడిగా పేరు తెచ్చుకున్న పా రంజిత్ నెక్స్ట్ సినిమా బాలీవుడ్ లో తెరకెక్కనుంది. ఈ సారి అయన హిందీలో తెరకెక్కించే సినిమా నిజంగా పెద్ద సంచలనం గా మారనుంది. ఎందుకంటే అయన తెరకెక్కించే కథ ఎవరిదో తెలుసా ? బిర్సా ముండా? బిర్సా ,ముండా జీవిత కథతో సినిమాకు సన్నాహాలు చేస్తున్నాడు. బిర్సా ముండా .. జార్ఖండ్ కు చెందిన ట్రైబల్ నాయకుడు. అప్పట్లో స్వతంత్రం రాకముంది బ్రిటిష్ వారితో పోరాడిన వీర నాయకుడు. ఈ గిరిజన నాయకుడి జీవిత కథతో సినిమాకు సన్నాహాలు చేస్తున్నాడు పా రంజిత్.

ఆగస్టు నుండి ఈ సినిమా సెట్స్ పైకి రానుందట. నమ పిక్చర్స్ నిర్మించే ఈ సినిమాలో హీరో ఎవరన్న విషయం పై క్లారిటీ రావాల్సి ఉంది. బిర్సా ముండా జీవిత కథతో సినిమా చేయడం ఆనందంగా ఉందని చెబుతున్నాడు పా రంజిత్. నిజంగా ఈ సినిమా చేస్తే బాలీవుడ్ లో మరో సంచలన చిత్రంగా నిలిచే అవకాశాలు ఉన్నాయి. అయితే ఈ సినిమాలో నటించేందుకు పలువురు స్టార్ హీరోలు ఆసక్తి చూపిస్తున్నట్టు టాక్ !! మరి ఈ సినిమాలో హీరో ఎవరు అన్న విషయంపై త్వరలోనే క్లారిటీ వచ్చే అవకాశాలు ఉన్నాయి.