ప్రజా సేవ చేయాలనుకుంటే సినిమాలెందుకు.? అన్న ప్రశ్న సహజంగానే తెరపైకొస్తుంది. ‘పూర్తి స్థాయిలో రాజకీయాలకే పరిమితం..’ అని జనసేన అధినేత పవన్ కళ్యాణ్ కూడా గతంలో చెప్పారు. అయితే, రాజకీయాలెలా వున్నాయ్.? అక్రమాలకు పాల్పడితే తప్ప, రాజకీయాల్లో రాణించలేని పరిస్థితి. కానీ, నేరమయ.. అవినీతి రాజకీయాలు చేయాలనుకోలేదు పవన్ కళ్యాణ్.
అందుకే, సినిమాల్లో సంపాదించాలి.. దాన్ని రాజకీయాల్లో ఖర్చు చేయాలి.. అది కూడా పార్టీ పరమైన అవసరాల కోసమే సుమీ.! వీలైనప్పుడల్లా పార్టీ తరఫున జనానికి సాయం చేయడం కూడా తప్పనిసరి.! ప్రజా సేవ అంటే అధికారంలో వుంటేనే కాదు.. అధికారం లేకున్నా ప్రజా సేవ చేయొచ్చన్నది జనసేనాని రాజకీయం.
ఈ క్రమంలో జనసేన అధినేత పవన్ కళ్యాణ్ సినిమాల్లో కొనసాగుతున్నారు.. రాజకీయ పార్టీనీ సమర్థవంతంగా నడిపిస్తున్నారు. తాజాగా, జనసేనాని పవన్ కళ్యాణ్ కొత్త సినిమా లాంఛనంగా ప్రారంభమయ్యింది. అదే రోజు, ఆయన జనసేన పార్టీకి కోటి రూపాయలు డొనేషన్ చేశారు.
జనసేన క్రియాశీల కార్యకర్తల సభ్యత్వ నమోదు ప్రక్రియ, రెన్యువల్ కార్యక్రమం కొనసాగుతున్న సంగతి తెలిసిందే. పార్టీ అధినేతగా పార్టీ కార్యకర్తలకు ఇన్స్యూరెన్స్ చేయించే నిమిత్తం కోటి రూపాయల్ని జనసేన అధినేత డొనేట్ చేశారు. సాధారణంగా ఇలాంటి వ్యవహారాలకు సైతం పెట్టుబడిదారుల్ని ఆశ్రయిస్తుంటారు ఏ పార్టీలో అయినా.
‘నీకిది.. నాకది..’ అన్న చందాన, ఆ తర్వాత పదవులు, కాంట్రాక్టుల పంపకాలుంటాయ్. ఏ పార్టీలోనూ లేని విధంగా కార్యకర్తలకు ఇన్స్యూరెన్స్ చేయించడం, వారి బాగోగుల్ని చూసుకోవడం.. జనసేనలోనే జరుగుతోందన్నది నిర్వివాదాంశం. కౌలు రైతుల కష్టాల్ని తెలుసుకుని, వారికి సాయం చేస్తున్నా.. అదంతా జనసేనాని కష్టార్జితమే.
కౌలు రైతుల కుటుంబాలనే కాదు.. ‘కష్టం’ అంటూ ఎవరు జనసేన తలుపు తట్టినా, జనసేన పార్టీ నుంచి వీలైనంత సాయం అందుతూనే వుంది. అదీ జనసేనాని కమిట్మెంట్.!
660575 562696Thank you for your info and respond to you. bad credit auto loans hawaii 903286