Ileana: గోవా బ్యూటీ ఇలియానా (Ileana) టాలీవుడ్ (Tollywood) లో ఓ దశలో సెన్సేషన్ క్రియేట్ చేసి అగ్ర నటిగా కొనసాగిన సంగతి తెలిసిందే. గ్లామర్ బ్యూటీగా పేరు తెచ్చుకున్న ఇలియానా సినిమాలకు గుడ్ బై చెప్పి ఓ బాబుకి జన్మనిచ్చిన సంగతి తెలిసిందే. కోవా ఫినిక్స్ డోలన్ గా తన కుమారుడికి పేరు పెట్టుకుంది. అయితే.. ఇలియానా సింగిల్ పేరెంట్ అనే కామెంట్స్ కూడా ఉన్నాయి. దీనికి ఇలియానా క్లారిటీ ఇచ్చింది. అభిమానులతో ముచ్చటించిన ఆమె డోలన్ తండ్రిని కూడా పరిచయం చేసింది.
‘ఏడాది క్రితం తల్లినయ్యాను. అవి ఎంతో మధురమైనవి. తొలిసారి డోలన్ ను చూసినప్పుడు, హత్తుకున్నప్పుడు వచ్చిన అనుభూతి మాటల్లో చెప్పలేను. ఎంతో భావోద్వేగానికి గురయ్యాను. అందరూ నేను సింగిల్ పేరెంట్ అనుకుంటున్నారు. కానే కాదు (తన పార్టనర్ తో ఉన్న ఫొటోను పోస్ట్ చేసారు). ఇప్పుడు నా ఫోకస్ అంతా డోలన్ పైనే ఉంది. ప్రస్తుతం ఈ క్షణాలు ఎంతో ఆనందిస్తున్నాను. అయితే.. త్వరలోనే మళ్లీ సినిమాల్లో నటిస్తాన’ని అన్నారు.