నటుడిగా మారుతున్న మ్యూజిక్ మాస్ట్రో

ఇళయరాజా .. ఈ పేరు చాలు సంగీత హృదయాలు పరవశిస్తాయి .. అయన సంగీతం వినని హృదయం ఉండదు .. ఎన్ని ఎన్నెన్ని అద్భుత గీతాలు ..ఆమని పాడవే హాయిగా .. కొత్తగా రెక్కలొచ్చెనా … అబ్బని తీయని దెబ్బ .. అబ్బో ఎన్ని పాటలని చెప్పడం .. ఇళయరాజా గురించి చెప్పాలంటే ఎంత సమయం తీసుకున్నా అది తక్కువే అవుతుంది.

సంగీత ప్రపంచంలో చెరగని స్థానం సంపాదించి .. మ్యూజిక్ మాస్ట్రో గా నిలిచిన లెజెండరీ సంగీత దర్శకుడు ఇళయరాజా ఇప్పుడు నటుడిగా మారుతున్నాడు. ఏంటి ? షాక్ అవుతున్నారా !! మీరు విన్నది నిజమేనండి బాబు .. !!

అసలు విషయం ఏమిటంటే .. ఈ మధ్య దేశంలో ఏ భాషలో చూసినా బయోపిక్ సినిమాలు ఎక్కువవుతున్నాయి .. ఈ నేపథ్యంలో ఇళయరాజా జీవిత కథతో సినిమా తీయాలని ప్రయత్నాలు జరుగుతున్నాయట. ఈ సినిమా కనుక తెరకెక్కిస్తే అందులో నటించేందుకు నేను రెడీ అంటూ చెప్పేసాడు ఇళయారాజా.

ఓ సామాన్య కుటుంబంలో పుట్టి .. అంచెలంచెలుగా ఎదిగిన ఇళయరాజా జీవితం అందరికి ఆదర్శం. మ్యూజిక్ లో ఎన్నో ప్రయోగాలు చేసి తన సంగీతంతో ప్రేక్షుకుల హృదయాల్లో సుస్థిర స్తానం సంపాదించుకున్న అయన తన ఇన్నేళ్ల కెరీర్ లో ఎప్పుడు తెరముందుకు రాలేదు . మరి ఇళయరాజాని ఇన్నాళ్లు సంగీత జ్ఞానిగా చూసాం .. ఇప్పుడు ఆయనలో ఉన్న నటుడిని చూసే అవకాశం తొందరలోనే ఉందన్నమాట!!