నా బెంజ్ కారు నా ఇష్టం.. నీకెందుకు? నెటిజన్ పై బిగ్ బాస్ హిమజ ఫైర్

ధ్రువ సినిమాలో హీరోయిన్ రకుల్ ప్రీత్ సింగ్ ఫ్రెండ్ హిమజ అంటే ఎవరికీ తెలియకపోవచ్చు.. కానీ బిగ్ బాస్ 3 పార్టిసిపెంట్ హిమజ అంటే అందరికీ ఠక్కున గుర్తొస్తుంది. ఆ సీజన్ లో ఎక్కువ రోజులే ఉండి సందడి చేసింది. అప్పటికే వినయ విధేయ రామ, చిత్రలహరి, స్పైడర్, శతమానం భవతి, మహానుభావుడు, నేను శైలజ.. తదితర సినిమాల్లో నటించింది. సెలబ్రిటీ కావడంతో సోషల్ మీడియాలో యాక్టివ్ గానే ఉంటోంది. అదే ఇప్పుడు అమ్మడిపై కొందరు కామెంట్స్ చేయడం.. దానికి ఆమె హర్ట్ అయి రియాక్ట్ కావడం జరిగింది. వివరాల్లోకి వెళ్తే..

హిమజ రీసెంట్ గా బెంజ్ కారు కొనుక్కుంది. దీంతో నెటిజన్లు డబ్బులు లేవని చెప్తావు.. మరి ఈ కార్ ఎక్కడిది.. ఇల్లు ఎక్కడిది? ఎవడు కొనిచ్చాడో అంటూ కామెంట్లు చేశారు. అయితే.. నెటిజన్లు రెస్పాండ్ అయిన తీరుకు ఆమె హర్ట్ అయింది. దీంతో వారికి ఘాటుగానే సమాధానం చెప్పింది. నువ్వేమైనా వచ్చి నాకు కార్ ఇప్పించవేంట్రా..! మరి నీకు ఎందుకు ఇంత ఓవరాక్షన్.. అంటూ రెచ్చిపోయింది. నా కారుపై కామెంట్ చేసే మీరు వచ్చి ఈఎంఐ కడతారా..? అంటూ మండిపడింది. ప్రతీనెల నాలుగో తారీఖున 50 వేలు కడుతున్నా.. మీరు కట్టండి అంటూ గట్టిగానే సమాధానం చెప్పింది.

ఈ రోజుల్లో కారు కొనడం పెద్ద విషయం కాదని చెప్పింది. నటిని కాబట్టి కంపెనీ జీరో ఫైనాన్స్ మీదే కారు ఇచ్చినట్టు చెప్పింది. కారుపై ఎవరికి ఎన్ని అనుమానాలున్నా అది వారి యిష్టం. అందరికీ నేను వచ్చి క్లియర్ చేయలేనంటూ చెప్పింది హిమజ. గతంలో ఓ స్కూల్‌లో టీచర్‌గా పని చేశానని.. తనకు తెలిసిన వారు ఈటీవీ భార్యామణి సీరియల్‌లో అవకాశం ఇప్పించారని గుర్తు చేసుకుంది. అప్పట్లో తనకు ఆ డబ్బులు సరిపోయేవి కాదని చెప్పింది. సినిమాల్లోకి వచ్చిన తర్వాతే డబ్బులు పొదుపు చేసుకుంటున్నట్టు చెప్పుకొచ్చింది.