అవంతి శ్రీనివాసరావు, గంటా శ్రీనివాసరావు.. ఇద్దరూ ఒకప్పటి సహచరులే. ఇద్దరూ కలిసే టీడీపీని వీడి, వైసీపీలో చేరదామనుకున్నారు. చివరి నిమషంలో గంటా శ్రీనివాసరావు వెనక్కి తగ్గితే, అవంతి మాత్రం ‘తెలివైన’ నిర్ణయం తీసుకున్నారు.. వైసీపీలో చేరి, గత ఎన్నికల్లో ఎమ్మెల్యేగా గెలిచి.. ఇప్పుడు మంత్రి పదవిలో వున్నారు.
గంటా శ్రీనివాసరావు కూడా ఎమ్మెల్యేగా గెలిచారు.. అయితే, టీడీపీ అధికారం కోల్పోవడంతో డీలాపడ్డారు. ప్రస్తుతం ఆయన వైసీపీలో చేరేందుకు ప్రయత్నిస్తున్నారు. నిజానికి, చాలాకాలంగా గంటా చుట్టూ చిత్ర విచిత్రమైన రాజకీయం నడుస్తోంది. వైసీపీ నుంచి ఆయనకు ఆఫర్ వెళ్ళింది.. కానీ, ఆయనే సరైన నిర్ణయం తీసుకోలేకపోతున్నారట. మరో వెర్షన్ ఏంటంటే, గంటా ఎంత ప్రయత్నిస్తున్నా.. వైసీపీ అధిష్టానం సానుకూలంగా వున్నా.. అవంతి శ్రీనివాసరావు అడ్డుపుల్ల వేస్తున్నారట.
వీటిల్లో నిజం ఏది.? అన్న విషయాన్ని పక్కన పెడితే, మంత్రి అవంతి శ్రీనివాసరావు మాత్రం, గంటా పేరు చెబితేనే ఉలిక్కిపడుతున్నారు. ‘గంటా అవినీతిపరుడు.. సైకిళ్ళ కుంభకోణానికి పాల్పడ్డారు.. ఆయన అధికారం లేకపోతే వుండలేరు.. గంటా శ్రీనివాసరావు మైండ్ గేవ్ు ఆడుతున్నారు.. వైపీపీలో చేరేందుకు అడ్డదారులు తొక్కుతున్నారు.. గంటా అవినీతిపై గతంలోనే పార్టీ అధిష్టానానికి నివేదిక ఇచ్చాను..’ అని అంటున్నారు.
అయితే, రాజకీయాల్లో కొన్ని ఈక్వేషన్స్ చిత్రంగా వుంటాయి. గంటా శ్రీనివాసరావుతో ఎంత ఉపయోగం.? అవంతి శ్రీనివాస్తో ఎంత ఉపయోగం.? అన్న లెక్కల్ని బట్టే, ఎవర్ని ఎలా డీల్ చేయాలన్నది వైసీపీ అధిష్టానం నిర్ణయిస్తుంది. గంటా శ్రీనివాసరావు ‘పలుకుబడి’ వున్న నాయకుడు. వెనకాల క్యాడర్ వున్న వ్యక్తి. అవంతికి ఈ విషయంలో చాలా మైనస్లున్నాయి. వైఎస్ జగన్ వేవ్లో మాత్రమే అవంతి గెలవగలిగారు తప్ప, ఆయన వెనకాల ‘బలమైన క్యాడర్’ లేదని వైసీపీ అధిష్టానమే భావిస్తోందట.
అధిష్టానం తన గురించి ఎలా ఆలోచిస్తోందో అర్థమయిపోయిందో ఏమోగానీ.. అవంతి ఒకింత గట్టిగానే ఉలిక్కిపడుతున్నారు. గంటా గనుక వైసీపీలోకి వస్తే.. అవంతి శ్రీనివాస్కి చెక్ పడినట్లే. అందుకే, గంటా రాకను అవంతి తీవ్రాతి తీవ్రంగా వ్యతిరేకిస్తున్నారు. అయితే, ఇప్పటిదాకా గంటా శ్రీనివాసరావు, వైసీపీలోకి చేరే విషయమై ఎలాంటి అధికారిక ప్రకటనా చేయలేదు.
221577 72857hello great internet site i will definaely come back and see once more. 650654
240470 796997I believe this internet web site has some rattling great information for every person : D. 909741