ఏ రాయి అయితేనేం పళ్ళు ఊడగొట్టుకోవడానికి.. అది ‘పబ్ జి’ రాయి కావొచ్చు.. కొత్తగా వస్తోన్న ‘ఫౌజీ’ కావొచ్చు.! అందులో విషయం మాత్రం దాదాపు ఒక్కటే. అయితే, ‘భారతీయత’ అనే పేరుతో కొత్తగా ‘ఫౌజీ’ కోసం పబ్లిసిటీ స్టంట్లు చేస్తున్నారు. ఈ స్టంట్స్కి కేరాఫ్ అడ్రస్గా మారాడు బాలీవుడ్ నటుడు అక్షయ్కుమార్.
‘పబ్ జీ’ ఆట గురించి కొత్తగా ఎవరికీ పరిచయం చేయాల్సిన పనిలేదేమో. అదొక ఆట మాత్రమే కాదు.. అంతకు మించిన వ్యసనం. ఆయుధాల్ని కొనేందుకు డబ్బులు.. లెవల్స్ దాటేందుకు డబ్బులు.. ఇలా చాలా హంగామా వుంటుంది. గెలిస్తే వచ్చేది ‘చికెన్ డిన్నర్’.. అది కూడా రియల్గా కాదు. కుటుంబ సభ్యుల అంత్యక్రియలు జరుగుతోంటే, ఓ మూలన స్మశాన వాటికలో ఆ తతంగాన్ని ఓ పక్క చూస్తూనే ఇంకోపక్క ‘పబ్ జీ’లో మునిగితేలుతోన్న కుర్రకారు వున్నారంటే.. అది అతిశయోక్తి కాదు.. కఠోర వాస్తవం. పబ్ జి అనే ఆటకి ఏ స్థాయిలో కుర్రాళ్ళు బానిసలైపోయారో చెప్పడానికి ఇదొక ఉదాహరణ మాత్రమే.
‘ఫౌ జీ’ అనే ఆట ఏకంగా ‘సైనిక దళాల గొప్పతనాన్ని చాటేస్తుంది’ అని చెబుతున్నాడు అక్షయ్కుమార్. నిజమేనా.? అంటే, అది ఇప్పుడిప్పుడే చెప్పలేం. ఈ తరహా ఆటల ఉద్దేశ్యం ఒకటే. యువత మనసుల్లోకి చొచ్చుకుపోవడం.. వారి ఆలోచనల్ని ఇంకో లోకంలోకి తీసుకెళ్ళిపోయి.. ‘ఆటకి బానిసలుగా’ మార్చేయడం.
‘ఆత్మ నిర్భర్ భారత్’ నినాదానికి సంబంధించి మా వంతుగా ఈ ప్రయత్నమంటూ అక్షయ్కుమార్ ఈ రోజు ఈ ‘ఫస్ జీ’ ఆటని అనౌన్స్ చేసేశాడు. పేరులో ఫౌజి వున్నంతమాత్రాన.. సైనికుల పట్ల యువతలో గౌరవం పెరిగేంత గొప్పదనం ఈ యాప్లో వుందని ఎలా ఆశించగలం.? దీని ద్వారా పెద్దయెత్తున ‘సంపాదన’ ఆర్జించాలన్నదే రూపకర్తల ఆలోచన అయి వుంటుంది తప్ప, దేశోద్ధారణ కార్యక్రమాన్ని వారి నుంచి ఆశించలేం.
అన్నట్టు, ఈ ఆట ద్వారా సమకూరే మొత్తంలో 20 శాతం ‘భారత్ కా వీర్ ట్రస్ట్’కి అందజేస్తారట. అంటే, యువత బలహీనతల్ని సొమ్ము చేసుకుని.. తద్వారా వచ్చిన సొమ్ముల్లోంచి కొంత మొత్తాన్ని దానం చేసేస్తారన్నమాట. నవ్విపోదురుగాక మనకేటి.? అన్నట్టుంది వ్యవహారం. అప్పుడు చైనావోడు.. ఇప్పుడేమో మనోడే.. మన యువతని దోచేయబోతున్నాడహో.!
Supporting PM @narendramodi’s AtmaNirbhar movement, proud to present an action game,Fearless And United-Guards FAU-G. Besides entertainment, players will also learn about the sacrifices of our soldiers. 20% of the net revenue generated will be donated to @BharatKeVeer Trust #FAUG pic.twitter.com/Q1HLFB5hPt
— Akshay Kumar (@akshaykumar) September 4, 2020
604489 30775 I discovered your blog site on google and check several of your early posts. Continue to keep up the quite very good operate. I just additional up your RSS feed to my MSN News Reader. Seeking forward to reading much more from you later on! 427756