ఇకపై సరికొత్తగా ఫేస్ బుక్.. నో లైక్ బటన్

ప్రముఖ సామాజిక మాధ్యమం ఫేస్ బుక్ ను మరింత కొత్తగా మార్చడానికి ఆ సంస్థ సిద్ధమైంది. ఫేస్ బుక్ పేజ్ లే అవుట్ లో కీలక మార్పులు చేయబోతోంది. అలాగే కొన్ని కొత్త ఫీచర్లను కూడా జోడించబోతోంది. దీంతో ఇకపై ఫేస్ బుక్ తన వినియోగదారులకు సరికొత్త అనుభూతిని పంచనుందని సంస్థ వెల్లడించింది. ఇందులో భాగంగా ఫేస్ బుక్ పర్సనల్ ప్రొఫైల్, పబ్లిక్ పేజ్ ల మధ్య అనుసంధానం మరింత సులభతరం కానుంది. ఈ మేరకు ఇంటర్ ఫేస్ రీడిజైన్ చేస్తోంది.

అలాగే ఫేస్ బుక్ పేజీ నడిపేవాళ్లు తమ ఫాలోవర్స్ తో సంభాషిస్తూ వారి మధ్య జరిగే చర్చలో నేరుగా పాల్గొనే అవకాశం కూడా రానుంది. ఇక మరో కీలకమైన మార్పు ఏమిటంటే.. లైక్ బటన్ తొలగించడం. ప్రస్తుతం ఫేస్ బుక్ లో ఇతరులు నిర్వహించే పేజీలకు లైక్ కొట్టడం కుదరదు. ఈ మేరకు పేజ్ లైక్ బటన్ తొలగిస్తున్నారు. దానికి బదులు ఆ పేజీని ఫాలో కావడం ద్వారానే దానికి సంబంధించిన అప్ డేట్స్ పొందడం కుదురుతుంది.

ఫాలోవర్స్ ను బట్టే ఆ పేజీ పాపులారిటీ నిర్ధాస్తారు. అయితే, కొందరు ముందుగా ఆ పేజీని లైక్ చేసి, తర్వాత ఫాలో అవుతున్నారు. అనంతరం ఆ పేజీ నచ్చకపోతే అన్ ఫాలో చేస్తున్నారు. డిస్ లైక్ చేయడంలేదు. దీంతో ఆ పేజీ లైక్స్, ఫాలోవర్స్ మధ్య వ్యత్యాసం ఎక్కువగా ఉంటుంది. ఈ నేపథ్యంలో లైక్ బటన్ తొలగించాలని ఫేస్ బుక్ నిర్ణయించింది.

అలాగే పేజ్ మేనేజ్ మెంట్ యాక్సెస్ లోనూ కొత్త ఫీచర్లు జోడిస్తోంది. ఇన్ సైట్స్, యాడ్స్, కంటెంట్, మెసేజెస్ వంటివాటిని నిర్వహించేందుకు అడ్మిన్ యాక్సెస్ ఇవ్వబోతోంది. దీనివల్ల సదరు పేజ్ కు కొత్త అడ్మిన్ లను యాడ్ చేయడం, ఇన్ సైట్ అనుమతులు ఇవ్వడం కుదురుతుంది. ఇక నకిలీ వార్తలు, విద్వేషపూరిత ప్రసంగాలకు చెక్ పెట్టేందుకు మరో ఫీచర్ తీసుకొస్తోంది. వెరిఫైడ్ పేజ్ లకు ఇచ్చే బ్లూ కలర్ బ్యాడ్స్ మరింత బాగా కనబడేలా మార్పులు చేస్తోంది. దీనివల్ల వెరిఫైడ్ పేజ్ నుంచి అభ్యంతరకర సందేశాలు వ్యాప్తి చెందకుండా అడ్డుకోవచ్చని భావిస్తోంది.

అలాగే క్వశ్చన్ అండ్ ఆన్సర్ ఫీచర్ కూడా రానుంది. దీని ద్వారా పేజ్ క్రియేటర్లు, ఫాలోవర్ల నుంచి నేరుగా సమాధానాలు స్వీకరించే అవకాశం ఉంది. వాణిజ్య అవసరాలకు పేజీ నడిపేవారికి ఈ ఫీచర్ బాగా ఉపయోగపడుతుందని ఫేస్ బుక్ పేర్కొంది. త్వరలోనే ఈ మార్పులు అందుబాటులోకి రానున్నాయి.