ఎక్స్ క్లూజివ్ చిట్ చాట్: ఎస్తర్ – మళ్ళీ పెళ్లి అనేది దేవుడి చేతుల్లో ఉంది.!

గత ఏడాది జనవరిలో మంగళూరులో ఘనంగా పెళ్లి చేసుకున్న సింగర్ నోయెల్ సేన్ – హీరోయిన్ ఎస్తర్ లు కొద్ది రోజులకే విడిపోవాలని నిర్ణయించుకొని విడాకులకి అప్లై చేశారు. ఫైనల్ గా ఏడాది తర్వాత వారిద్దరికీ మంగళూరు కోర్ట్ విడాకులు మంజూరు చేసింది. ఈ విషయాన్ని ఎస్తర్ తన ఇన్స్టాగ్రామ్ ద్వారా షేర్ చేసుకుంది. ఈ సందర్భంలో తాను ఎందుకు విడాకులు తీసుకోవాలనుకుంది. అలాగే తన ఫ్యూచర్ ప్లాన్స్ ఏంటి అనేది తెలుసుకునే ప్రయత్నంలో భాగంగా తనతో ముచ్చటించాము.. ఆ విశేషాలు

ప్రశ్న) ఎంతో ఇష్టంగా ప్రేమించి పెళ్లి చేసుకున్న మీరు విడిపోవడానికి ప్రధాన కారణం ఏంటి?

ఇది అని చెప్పడం కష్టం.. పెళ్ళైన కొద్దీ రోజులకే మా ఇద్దరి మనస్తత్వాల పరంగా కొన్ని కొన్ని విభేదాలు ఎదురయ్యాయి. ఫైనల్ గా మాకు సెట్ కాదని డిసైడ్ అయ్యాక.. ఇద్దరం మ్యూచువల్ గానే అనుకొని విడాకులకు అప్లై చేసాం. ఇన్ని రోజులు కోర్టు అధికారికంగా ఓకే చెయ్యలేదు కాబట్టి ఆగాము. నిన్న(ఆగుట 31వ తేదీ) మధ్యాహ్నం కోర్టు విడాకులు మంజూరు చేసింది. ఇవాళ అనౌన్స్ చేసాను.

ప్రశ్న) పెళ్లి అనే బంధం ఇక లేదు కాబట్టి మళ్ళీ మీరు సినిమాల్లో నటిస్తారా?

చెప్పాలంటే నా ప్రొఫెషన్ కి సినిమాకి ఏ మాత్రం సంబంధం లేదు. నేను పెళ్లి చేసుకున్నాక కూడా పలు ఆఫర్స్ వస్తూనే ఉన్నాయి. కానీ అవేవి అంత చెప్పుకోదగిన పాత్రలు కావడం వలన రిజెక్ట్ చేస్తూ వచ్చాను. ఈ గ్యాప్ లో తెలుగులో చేయకపోయినా కన్నడలో రెండు సినిమాలు చేసాను. కాబట్టి పెళ్ళైనప్పుడూ నా ప్రొఫెషన్ ని వదల్లేదు, ఇప్పుడు వదలను. మంచి పాత్ర వస్తే సినిమా చేయడానికి నేనెప్పుడూ రెడీనే..

ప్రశ్న) ఒకసారి పెళ్లితో చేదు అనుభవం ఎదురైంది కదా.. సో మళ్ళీ పెళ్లి అనే ఆలోచనపై మీ అభిప్రాయం?

నేనుప్పుడూ లైఫ్ ఇది ఇలానే ఉంటుందని, మనం ఏం అనుకుంటామో అదే జరగాలని లేదు. జస్ట్ లైఫ్ ఎలా తీసుకెళ్ళిపోతే అలా వెళ్తాను. మళ్ళీ పెళ్లి అనేది నా చేతుల్లో లేదు.. దేవుడు ఎలా తీసుకెళ్తే అలా వెళ్లడమే..

అంతటితో ఇప్పుడు ఇంతకన్నా ఏమీ చెప్పలేననడంతో మా చాటింగ్ ని ముగించాం..